પંજાબમાં પહાડી પોસ્ટ પર જોવા મળ્યા બે શંકાસ્પદ, બીએસએફના જવાનોએ બંનેને ભગાડ્યા

પાકિસ્તાન દ્વારા ભારતીય સીમામાં ઘૂસવાની કોશિશને બીએસએફના જવાનોએ આજે નિષ્ફળ કરી દીધી છે.

પંજાબ સમાચારઃ પાકિસ્તાન દ્વારા ભારતીય સીમામાં ઘૂસવાની કોશિશને બીએસએફના જવાનોએ આજે નિષ્ફળ કરી દીધી છે. મળતી માહિતી મુજબ આજે પાકિસ્તાનના બે શંકાસ્પદ વ્યક્તિઓએ ભારતીય સીમામાં ઘૂસણખોરી કરવાની કોશિશ કરી હતી ત્યારે બીએસએફના જવાનોએ ફાયરિંગ કરીને બંને શંકાસ્પદોને ભગાડી દીધા. જણાવવામાં આવી રહ્યુ છે કે બંને શંકાસ્પદો પાછા પાકિસ્તાન સીમા બાજુ ભાગી ગયા છે.

તમને જણાવી દઈએ કે બંને શંકાસ્પદોએ 25 નવેમ્બરની મોડી સાંજે પઠાણકોટની પહાડીપુર પોસ્ટથી ભારતીય સીમામાં ઘૂસવાની કોશિશ કરી હતી. બંને શંકાસ્પદોના આ નાપાક હરકત થર્મલ કેમેરામાં કેદ થઈ ગઈ. ત્યારબાદ બીએસએફના જવાનો એલર્ટ થઈ ગયા. રિપોર્ટ મુજબ બીએસએફની 121 બટાલિયનના જવાનો દ્વારા ફાયરિંગ બાદ ઘૂસણખોરો પાકિસ્તાનની સીમા બાજુ ભાગી ગયા.

પઠાણકોટમાં સરહદી વિસ્તારની નજીક ઘૂસણખોરો જોવા મળ્યા બાદ DIG સહિત BSFના વરિષ્ઠ અધિકારીઓએ શુક્રવારે સંબંધિત વિસ્તારમાં સર્ચ ઑપરેશન શરૂ કર્યુ હતુ. જો કે, અંધારુ થતા સર્ચ ઓપરેશન બંધ કરાયુ હતુ. ત્યાં આજે પણ સર્ચ ઑપરેશન હાથ ધરવામાં આવશે.

તમને જણાવી દઈએ કે શુક્રવારે મોડી રાત્રે લગભગ 9.05 વાગે અમૃતસરની સરહદી ચોકી ડાઓક પાસે પણ એક ડ્રોન જોવા મળ્યુ હતુ. જેમને BSF જવાનોએ ઠાર માર્યુ હતુ. આ સિવાય રાત્રે અમૃતસરની પંજગ્રાઈ બોર્ડર ચોકી પર પણ ડ્રોન એક્ટિવિટી જોવા મળી હતી. જેના પર જવાનોએ ફાયરિંગ કર્યુ હતુ. ત્યારબાદ ડ્રોન પાકિસ્તાન તરફ પરત ફર્યુ હતુ.

English summary

BSF jawans chased away two suspects by firing in Pahadipur post Punjab