જમ્મુ કાશ્મીરમાં PAK ની જીતની ઉજવણી, મહેબુબા મુફ્તીએ કહ્યું - અમારાથી કેમ નારાજ?
ટી 20 વર્લ્ડ કપમાં પહેલીવાર પાકિસ્તાને રવિવારના રોજ ભારત પર જીત મેળવી છે. આ મેચમાં પાકિસ્તાનના ખેલાડીઓએ તેમનો ખરાબ ઈતિહાસ બદલી નાખ્યો હતો. પાકિસ્તાનની જનતા 24 ઓક્ટોબરના રોજ જીતથી ખુશ છે.
શ્રીનગર : ટી 20 વર્લ્ડ કપમાં પહેલીવાર પાકિસ્તાને રવિવારના રોજ ભારત પર જીત મેળવી છે. આ મેચમાં પાકિસ્તાનના ખેલાડીઓએ તેમનો ખરાબ ઈતિહાસ બદલી નાખ્યો હતો. પાકિસ્તાનની જનતા 24 ઓક્ટોબરના રોજ જીતથી ખુશ છે, આ સાથે કેટલાક લોકો ભારતમાં કેન્દ્રશાસિત પ્રદેશ જમ્મુ અને કાશ્મીરમાં ટીમ ઈન્ડિયાની હારની ઉજવણી કરતા પકડાયા હતા.
Why such anger against Kashmiris for celebrating Pak’s win? Some are even chanting murderous slogans- desh ke gadaaron ko goli maaro/calling to shoot traitors. One hasnt forgotten how many celebrated by distributing sweets when J&K was dismembered & stripped of special status pic.twitter.com/dCKQtj5Uu7
— Mehbooba Mufti (@MehboobaMufti) October 25, 2021
લોકો સામે કાયદેસરની કાર્યવાહી કરવામાં આવી હતી અને 6 લોકોને કસ્ટડીમાં પણ લેવામાં આવ્યા
ચંક મંગા વિસ્તારમાં ઘણા લોકો પાકિસ્તાનની જીતની ઉજવણી કરી રહ્યા હતા. આ લોકો સામે કાયદેસરની કાર્યવાહી કરવામાં આવી હતી અને 6 લોકોને કસ્ટડીમાં પણ લેવામાં આવ્યા હતા. હવે આ મામલે જમ્મુ -કાશ્મીરના પૂર્વ મુખ્યમંત્રી મહેબૂબા મુફ્તીની આ અંગે પ્રતિક્રિયા સામે આવી છે.
જમ્મુ -કાશ્મીરના પૂર્વ સીએમ મહેબૂબા મુફ્તીએ ટ્વિટ કર્યું
પાકિસ્તાનની જીતનો જશ્ન મનાવી રહેલા લોકો પર ક્રેકડાઉન બાદ મહેબૂબા મુફ્તીએ પૂછ્યું કે, કાશ્મીરીઓ સામે આટલો ગુસ્સો કેમ છે? જમ્મુ -કાશ્મીરના પૂર્વ સીએમ મહેબૂબા મુફ્તીએ ટ્વિટ કરીને જમ્મુ -કાશ્મીરમાં પાકિસ્તાનની જીતનો જશ્ન મનાવતા લોકોને સમર્થન આપ્યું હતું.
પાકિસ્તાનની જીતની ઉજવણી કરવા માટે કાશ્મીરીઓ સામે આટલો ગુસ્સો કેમ છે?
મહેબૂબાએ લખ્યું હતું કે, પાકિસ્તાનની જીતની ઉજવણી કરવા માટે કાશ્મીરીઓ સામે આટલો ગુસ્સો કેમ છે? કેટલાક લોકો એવા નારા પણ લગાવી રહ્યા છે કે, ગોલી મારો દેશના ગદ્દારો કો'. પોતાના ટ્વિટમાં મહેબૂબાએ હાવભાવમાં કેન્દ્ર સરકાર અને ભાજપ પર પણ નિશાન સાધ્યું છે.
પાકિસ્તાની ક્રિકેટર્સને તેમની જીત માટે અભિનંદન આપ્યા
"કોઈ ભૂલી ન શકે કે, જમ્મુ અને કાશ્મીરના અલગ થયા બાદ અને વિશેષ રાજ્યનો દરજ્જો (આર્ટિકલ 370) નાબૂદ થયા બાદ મીઠાઈઓ વહેંચીને ઉજવણી કરવામાં આવી હતી. તેને વિરાટ કોહલીની જેમ રમતની ભાવનામાં લો, જેમણે પાકિસ્તાની ક્રિકેટર્સને તેમની જીત માટે અભિનંદન આપ્યા હતા.
પાકિસ્તાને 10 વિકેટે મોટી જીત નોંધાવી
ઉલ્લેખનીય છે કે, કેટલાક લોકોએ ગયા રવિવારના રોજ કેન્દ્રશાસિત પ્રદેશમાં ટી 20 વર્લ્ડ કપની મેચમાં પાકિસ્તાનની જીતની ઉજવણી કરી હતી, જ્યારે પોલીસને તેના વિશે માહિતી મળી, ત્યારે 6 લોકોની અટકાયત પણ કરવામાં આવી હતી. હાલ આ મામલે તપાસ ચાલી રહી છે. 24 ઓક્ટોબરના રોજ ભારતે પાકિસ્તાન સામે તેની પ્રથમ ટી 20 વર્લ્ડ કપ મેચ રમી હતી, જેમાં પાકિસ્તાને 10 વિકેટે મોટી જીત નોંધાવી હતી.
Click it and Unblock the Notifications
Sign in with Google
