નાગરિકતા સુધારા કાયદાના વિરોધમાં ભીમ આર્મી ચીફ ચંદ્રશેખર પહોંચ્યા સુપ્રીમ કોર્ટ

નાગરિકતા સુધારો અધિનિયમ, રાષ્ટ્રીય નાગરિકતા રજિસ્ટર અને એનઆરસી વિરૂદ્ધ ભીમ આર્મીના વડા ચંદ્રશેખરે સુપ્રીમ કોર્ટમાં અરજી કરી છે. ચંદ્રશેખર સિવાય સ્વામી અગ્નિવેશ અને રાષ્ટ્રીય લઘુમતી આયોગના પૂર્વ અધ્યક્ષ વજાહત હબીબુલ્લાએ પણ એનઆરસી, સીએએ અને એનપીઆર સામે સુપ્રીમ કોર્ટનો સંપર્ક કર્યો છે.

ચંદ્રશેખર પહોંચ્યા સુપ્રીમ કોર્ટ

ભીમા આર્મીના વડાએ સુપ્રીમ કોર્ટમાં એક અરજી કરી છે, જેમાં કહ્યું છે કે આ કાયદો એસસી-એસટી એક્ટનું ઉલ્લંઘન કરે છે. ચંદ્રશેખર સતત નાગરિકતા સુધારા કાયદાનો વિરોધ કરે છે. તેમણે ગયા મહિનામાં દિલ્હીમાં એક પ્રદર્શનમાં પણ ભાગ લીધો હતો. આ પછી, દરિયાગંજ વિસ્તારમાં હિંસાના કેસમાં તેની ધરપકડ કરવામાં આવી હતી. તાજેતરમાં જ ચંદ્રશેખરને કોર્ટમાંથી શરતી જામીન મળી ગયા છે.

હાઇકોર્ટે આપ્યા હતા શરતી જામીન

મંગળવારે દિલ્હીની તીસ હજારી કોર્ટે તેના જામીનની શરતોમાં થોડી છૂટ આપીને તેને દિલ્હી આવવાની મંજૂરી આપી હતી. જો કે ચંદ્રશેખરને તેના શેડ્યૂલ વિશે દિલ્હી પોલીસને કહેવું પડશે. અગાઉ તીસ હજારી કોર્ટમાંથી જામીન મંજૂર કરવામાં આવી હતી પરંતુ આ જામીન શરતી હતી જેમાં તેને 24 કલાકની અંદર દિલ્હી છોડવાનું કહેવામાં આવ્યું હતું.

Bhim Army Chief Chandrashekhar Azad, Swami Agnivesh and Wajahat Habibullah, former Chairperson of the National Minority Commission have filed a petition in the Supreme Court against the Citizenship (Amendment) Act, National Register of Citizens and National Population Register. pic.twitter.com/WpsgCI4FjV

— ANI (@ANI) January 22, 2020

CAAની સામે સુપ્રીમમાં 142 અરજીઓ થઇ

આ અગાઉ સુપ્રીમ કોર્ટમાં નાગરિકતા સુધારો કાયદા સામે અને સમર્થનમાં આજે 142 અરજીઓ દાખલ કરવામાં આવી હતી. આ દલીલો સાંભળ્યા પછી સુપ્રીમ કોર્ટે સિટિઝનશિપ એમેન્ડમેન્ટ એક્ટને રોકવાનો ઈનકાર કરી દીધો. સુપ્રીમ કોર્ટે આ મામલામાં કેન્દ્ર સરકાર પાસે ચાર અઠવાડિયામાં જવાબ માંગ્યો છે. કોર્ટે કેન્દ્રને અસમ સંબંધિત અરજીઓનો જવાબ આપવા માટે બે અઠવાડિયા આપ્યા હતા. આ અરજીઓની સુનાવણી ચીફ જસ્ટિસ એસ.એ.બોબડે, જસ્ટિસ અબ્દુલ નઝીર અને જસ્ટિસ સંજીવ ખન્નાની બેંચ દ્વારા કરવામાં આવી હતી.

English summary

Chandrashekhar of Bhima Army reached Supreme Court against Citizenship Amendment Act