Chandrayaan 3: દક્ષિણ આફ્રિકાના પ્રવાસી ભારતીયોમાં ઉત્સાહ જોઈ પીએમ મોદીએ કહી આ વાત, શેર કર્યા ફોટા

Chandrayaan 3 Landing: વડાપ્રધાન નરેન્દ્ર મોદીએ ભારતના ચંદ્ર મિશન ચંદ્રયાન-3ના લેન્ડર મોડ્યુલ વિક્રમના સફળ ઉતરાણ બદલ ઈસરોને અભિનંદન પાઠવ્યા હતા. પીએમ મોદી દક્ષિણ આફ્રિકાના જોહાનિસબર્ગની એક હોટલમાં એકત્ર થયેલા NRIને મળ્યા હતા.

પીએમ મોદીએ ખુશી વ્યક્ત કરતા કહ્યું કે સ્પેસ સેક્ટરમાં ભારતની સિદ્ધિઓ માટે દક્ષિણ આફ્રિકામાં આપણા ભારતીય ડાયાસ્પોરાનો ઉત્સાહ ખરેખર આનંદદાયક છે.

પીએમ મોદીએ બાળકોને ઓટોગ્રાફ પણ આપ્યા અને સેલ્ફી પણ લીધી. વડાપ્રધાને જોહાનિસબર્ગની એક હોટલમાં એકઠા થયેલા ભારતીય ડાયસ્પોરાને શુભેચ્છા પાઠવતા પોતાના ફોટોગ્રાફ્સ પણ શેર કર્યા હતા. આ દરમિયાન, લંડનમાં ભારતીય હાઈ કમિશને ચંદ્ર પર ઈસરોના ચંદ્રયાન-3ના સફળ ઉતરાણની ઉજવણી કરી હતી.

હવે ભારત ચંદ્રની સપાટી પર સફળતાપૂર્વક ઉતરનાર ચોથો દેશ બની ગયો છે. અમેરિકા, ચીન અને રશિયા પછી, ભારતે પૃથ્વીના એકમાત્ર કુદરતી ઉપગ્રહની દક્ષિણ બાજુએ ઉતરાણ કરનાર પ્રથમ દેશ તરીકે રેકોર્ડ બુકમાં પ્રવેશ કર્યો છે. ઈસરોએ ટ્વીટ કર્યું કે ભારતનું ચંદ્રયાન-3 મિશન તેના ગંતવ્ય પર પહોંચી ગયું છે. ચંદ્રયાન-3 એ ચંદ્ર પર સફળતાપૂર્વક સોફ્ટ લેન્ડિંગ કર્યું છે. અભિનંદન, ભારત.

#WATCH | South Africa: Prime Minister Narendra Modi meets members of Indian diaspora gathered at a hotel in Johannesburg pic.twitter.com/H0OMVJ9U8D

— ANI (@ANI) August 23, 2023

આ સફળતા પર ઈસરોના હેડક્વાર્ટરમાં ખુશીની ઉજવણી કરવામાં આવી હતી. ચીફ એસ સોમનાથે ટીમ અને સમર્થકોનો તેમના અતૂટ સમર્પણ બદલ આભાર વ્યક્ત કર્યો હતો. પ્રવાસ પર ચિંતન કરતાં, તેમણે ભૂતકાળની નિષ્ફળતાઓમાંથી શીખેલા અમૂલ્ય પાઠ પર ભાર મૂક્યો, જે આખરે આ વિજય તરફ દોરી ગયો. તેમણે કહ્યું કે, સમર્થન માટે તમામનો આભાર. અમે અમારી નિષ્ફળતામાંથી ઘણું શીખ્યા અને આજે અમે સફળ છીએ.

શાળાઓ, વિજ્ઞાન કેન્દ્રો અને સાર્વજનિક સંસ્થાઓ સહિત દેશભરમાં સોફ્ટ લેન્ડિંગની વિશેષ સ્ક્રીનીંગ યોજાઈ હતી. ઈસરોએ લાઈવ એક્શનને ઈસરોની વેબસાઈટ, તેની યુટ્યુબ ચેનલ, ફેસબુક અને જાહેર પ્રસારણકર્તા ડીડી નેશનલ ટીવી પર ઉપલબ્ધ કરાવ્યું હતું. આ અવકાશયાન 14 જુલાઈના રોજ શ્રીહરિકોટા, આંધ્રપ્રદેશમાં સતીશ ધવન સ્પેસ સેન્ટરથી લૉન્ચ કરવામાં આવ્યું હતું.

Feeling the fervour all the way from Johannesburg for Chandrayaan-3!

The enthusiasm of our diaspora in South Africa for India's achievements in the space sector is truly gladdening. pic.twitter.com/ApPdiQI9Fd

— Narendra Modi (@narendramodi) August 23, 2023

English summary

Chandrayaan-3: PM Modi meets Indian diaspora gathered at Johannesburg hotel, Video.