Char Dham Yatra: ચારધામ યાત્રામાં હવે મોબાઈલ-કેમેરાની ‘No Entry’, મંદિર પરિસરમાં Photo-Video પર પ્રતિબંધ
Mobile ban in temples during Char Dham Yatra: ઉત્તરાખંડના ચારધામ મંદિરોમાં આ વર્ષથી મોબાઈલ ફોન અને કેમેરાના ઉપયોગ પર સંપૂર્ણ પ્રતિબંધ લગાવી દેવામાં આવ્યો છે. આ નિર્ણય દર્શન વ્યવસ્થાને વધુ સુવ્યવસ્થિત કરવા અને પવિત્ર ધાર્મિક સ્થળોની ગરિમા જાળવી રાખવા માટે લેવામાં આવ્યો છે. બીજી તરફ, રાજ્ય સરકારે તાજેતરમાં 24 કલાક માટે ચારધામ યાત્રાને કામચલાઉ ધોરણે સ્થગિત પણ કરી હતી.
સ્થાનિક અધિકારીઓ વચ્ચેની ગહન ચર્ચા બાદ આ નિર્ણય લેવામાં આવ્યો છે, જેમાં જિલ્લા મેજિસ્ટ્રેટ અને વરિષ્ઠ પોલીસ અધિક્ષક સહિત અન્ય વિભાગીય અધિકારીઓ સામેલ હતા. ગઢવાલ કમિશનર વિનય શંકર પાંડેએ જણાવ્યું હતું કે, મંદિર પરિસરમાં મોબાઈલ ઉપકરણોના ઉપયોગને કારણે પૂજા-પાઠ દરમિયાન અનેક અડચણો ઊભી થઈ રહી હતી.
પાંડેએ જણાવ્યું કે, "ચારધામ યાત્રા આસ્થા અને ભક્તિનું પ્રતીક છે અને શ્રદ્ધાળુઓ ઊંડી શ્રદ્ધા સાથે આ ધામોમાં દર્શન કરવા આવે છે. આ કારણે જ, અધિકારીઓએ મંદિર પરિસરમાં મોબાઈલ ફોન અને કેમેરા લઈ જવા પર સંપૂર્ણ પ્રતિબંધ મૂક્યો છે, જેથી પવિત્ર અને આધ્યાત્મિક વાતાવરણ જળવાઈ રહે."
કમિશનર પાંડેએ પીટીઆઈ (PTI) ને જણાવ્યું કે, "ભક્તોએ દર્શન માટે મંદિરમાં પ્રવેશતા પહેલા પોતાના મોબાઈલ ફોન અને કેમેરા જમા કરાવવા પડશે. મંદિરમાંથી બહાર નીકળ્યા પછી, તેઓ મંદિરની પૃષ્ઠભૂમિમાં પોતાની તસવીરો અને વીડિયો લઈ શકે છે." દર્શન સમયે કોઈપણ પ્રકારનો વિક્ષેપ ન પડે તે હેતુથી આ વ્યવસ્થા લાગુ કરવામાં આવી છે.
આ વ્યવસ્થાને સરળ બનાવવા માટે બદ્રીનાથ-કેદારનાથ મંદિર સમિતિને નિર્દેશો આપવામાં આવ્યા છે. સમિતિ મંદિર પરિસરની અંદર ભક્તોના મોબાઈલ ફોન અને કેમેરા સુરક્ષિત રાખવા માટે અલગ અને સુરક્ષિત કાઉન્ટરની વ્યવસ્થા કરશે. આ સુવિધા ખાસ કરીને શ્રદ્ધાળુઓના હિત માટે ઊભી કરવામાં આવી છે.
કમિશનર પાંડેએ માહિતી આપી હતી કે, પાછલી યાત્રા સીઝન દરમિયાન 50 લાખથી વધુ ભક્તોએ ગંગોત્રી, યમુનોત્રી, કેદારનાથ અને બદ્રીનાથ ધામની યાત્રા કરી હતી. રાજ્ય સરકારનું લક્ષ્ય છે કે આ વર્ષે ચારધામ યાત્રાને વધુ સુગમ અને સુવિધાજનક બનાવવામાં આવે, સાથે જ ભીડનું સંચાલન બહેતર બને અને પવિત્ર વાતાવરણ જળવાયેલું રહે.
Click it and Unblock the Notifications
Sign in with Google
