Chhattisgarh Assembly Elections 2023: 64 ઉમેદવારો સાથે ભાજપની બીજી યાદી જાહેર, ઘણા નવા ચહેરાઓને આપી ટિકિટ

Chhattisgarh Assembly Elections 2023: ભાજપે છત્તીસગઢ વિધાનસભા ચૂંટણી 2023 માટે ઉમેદવારોની પોતાની બીજી યાદી જાહેર કરી છે, જેમાં 64 ઉમેદવારોના નામ છે. બીજી યાદીમાં પૂર્વ IAS, ફિલ્મ કલાકારો, સાંસદો સહિત ઘણા નવા ચહેરાઓને પણ તક આપવામાં આવી છે. હવે માત્ર પાંચ બેઠકો પર ઉમેદવારો જાહેર કરવા બાકી છે.

ઉલ્લેખનીય છે કે, ભાજપે તમામ વર્તમાન ધારાસભ્યોને ચૂંટણીમાં ઉતાર્યા છે. માત્ર એક સીટ ધારાસભ્ય બિન્દ્રાનવાગઢ પરથી ડમરુધર પૂજારીની ટિકિટ કપાઈ છે. આ વખતે ચાર સાંસદો અરુણ સાઓ, વિજય બઘેલ, ગોમતી સાંઈ અને રેણુકા સિંહને પણ વિધાનસભાની ટિકિટ આપવામાં આવી છે.

નોંધનીય બાબત છે કે, પૂર્વ મુખ્યમંત્રી ડૉ. રમણ સિંહ રાજનાંદગાંવ, પૂર્વ મંત્રી નાનકીરામ કંવર રામપુર, નારાયણ ચંદેલ જાંજગીર, અરુણ સેવ લોર્મી, અજય ચંદ્રાકર કુરુડ, બ્રિજમોહન અગ્રવાલને દક્ષિણ રાયપુરથી ઉમેદવાર જાહેર કરવામાં આવ્યા છે.

અત્રે ઉલ્લેખનીય બાબત છે કે, ભાજપે પોતાની પ્રથમ યાદીમાં 21 ઉમેદવારોની જાહેરાત કરી હતી. હવે બીજી યાદીમાં 64 ઉમેદવારોની જાહેરાત કરવામાં આવી છે. હવે પાંચ વિધાનસભા મતવિસ્તારો, બેમેટરા, અંબિકાપુર, પંડારિયા, બેલતરા અને કસડોલ પર ઉમેદવારોની જાહેરાત થવાની બાકી છે.

BJP releases a list of 64 candidates for the upcoming election in Chhattisgarh.

State BJP chief Arun Sao to contest from Lormi. pic.twitter.com/lxocBCGz6B

— ANI (@ANI) October 9, 2023

English summary

Chhattisgarh Assembly Elections 2023: BJP announces second list with 64 candidates, many new faces given tickets