ચીને ગલવાન નદી પાસે નિર્માણ કાર્યો તેજ કરી દીધાં, સેટેલાઇટ ઇમેજથી ખુલાસો થયો

નવી દિલ્હીઃ પૂર્વી લદ્દાખમાં ચીન સાથે સીમા વિવાદને લઇ ભારતમાં રોષ વધતો જઇ રહ્યો છે. જણાવી દઇએ કે ગત સોમવારની રાતે ગલવાન ઘાટીમાં ચીની સેના સાથે થયેલ હિંસક અથડામણમાં 20 ભારતીય જવાનો શહિદ થઇ ગયા હતા. આ ઘટના બાદ ભારત અને ચીન વચ્ચે તણાવ વધી રહ્યો છે, સીમા પર યુદ્ધ જેવા હાલાત બન્યા છે. આ દરમિયાન એવા અહેવાલ પણ મળી રહ્યા છે કે ચીનની પીપલ્સ લિબરેશન આર્મી દૌલત બેગ ઓલ્ડી અને ડેપસાંગ સેક્ટરમાં નવો મોર્ચો ખોલી શકે છે.

ચીની સેનાએ ગતિવિધિ તેજ કરી દીધી

ઇન્ડિયા ટુડેના રિપોર્ટ મુજબ ચીની સેનાએ પૂર્વી લદ્દાખના કેટલાક ભાગોમાં ગતિવિધિ તેજી કરી દીધી છે. ભારત સાથે તણાવ વચ્ચે જૂન મહિનામાં ચીની બેસ પાસે પીએલએના કેમ્પ અને વાહન જોવા મળ્યા, રિપોર્ટ્સ મુજબ ચીન તરફથી આ બેસ કેમ્પ વર્ષ 2016માં બનાવવામાં આવ્યા હતા. હાલમાં જ દૌલત બેગ ઓલ્ડી અને ડેપસાંગ સેક્ટરોની આસપાસ સેટેલાઇટ તસવીરોથી માલૂમ પડ્યું કે ચીને પોતાની નવી શિબિરો બનાવી છે, સાથે જ અહીં વાહનો માટે સડક નિર્માણનું કાર્ય પણ કરવામાં આવ્યું છે. જમીની ટ્રેકિંગ દ્વારા પણ તેની પુષ્ટિ કરવામાં આવી છે.

આ જગ્યાએ જ હિંસક અથડામણ થઇ હતી

ભારતે આ વિસ્તારોમાં ચીની સૈનિકોની ગતિવિધિઓનો મે મહિનાના અંત સુધીમાં જ અંદાજો લગાવી લીધો હતો, ત્યારથી ભારતે આ વિસ્તારોમાં પોતાની હાજરી પુષ્ત કરી લીધી હતી. જણાવી દઇએ કે ડેપસાંગ એ વિસ્તાર છે જ્યાં ચીનની સીમાએ 2013માં ઘુસણખોરી કરી હતી. જણાવી દઇએ કે આ એજ ક્ષેત્ર છે જ્યાં સોમવારની રાતે ભારત અને ચીની સૈનિકોમાં હિંસક અથડામણ થઇ હતી. આ ઘટનામાં ભારતના 20 જવાન શહીદ થઇગયા હતા, ચીનના પણ કેટલાય જવાનોના જીવ ગયા હતા પણ ચીની સરકારે તેમની સંખ્યાનો ખુલાસો કરવાનો ઇનકાર કરી દીધો છ.

જોરશોરથી સૈન્ય નિર્માણ કાર્યો થઇ રહ્યા છે

એએનઆઇના રિપોર્ટ મુજબ ચીન, ભારત સાથે સીમા વિવાદ પર સૈન્ય સ્તરની વાતચીતની સાથોસાથ એલએસી પર જોરશોરથી સૈનિય નિર્માણ કાર્ય કરી રહ્યું છે. એટલું જ નહિ ચીની સેનાએ ફિંગર ક્ષેત્ર સહિત તમામ ક્ષેત્રમાં નિર્માણ ચાલુ રાખ્યાં છે, જ્યાં તેમણે અધિક સૈન્ય શક્તિ સાથે ખુદને મજબૂત કર્યું છે. સૂત્રો મુજબ ચીની સનાએ આ ક્ષેત્રોમાં 4 મે 2020 પહલા જ નિર્માણ કાર્ય શરૂ કરી દીધું હતું. પૈંગોંગ ત્સો નદીની આસપાસ ચીની સૈનિકોએ મોટા બંકર તૈયાર કર્યા છે અને સૈન્ય ગતિવિધિઓ તેજ કરી દીધી છે.

English summary

China speeds up construction near The Gallowan River, satellite image reveals