UP News: 12 જિલ્લાઓની આરોગ્ય સેવાનુ નવિનીકરણ કરશે યોગી સરકાર, આ છે કારણ
UP Health Centre: ઉત્તર પ્રદેશમાં હેલ્થકેર ઈન્ફ્રાસ્ટ્રક્ચરને મજબૂત કરવાના પ્રયાસરૂપે, યોગી સરકારે રાજ્યના 12 જિલ્લાઓમાં 13 સામુદાયિક આરોગ્ય કેન્દ્રોના નવીનીકરણ માટે 8.58 કરોડ રૂપિયા ફાળવ્યા છે. સરકારની નાણાકીય મંજૂરી બાદ આ રકમ બહાર પાડવામાં આવી છે.
એક સરકારી પ્રવક્તાએ જણાવ્યું હતું કે, સરકાર અત્યાધુનિક તબીબી ઉપકરણો સ્થાપિત કરવા અને સરકારી હોસ્પિટલો, પ્રાથમિક આરોગ્ય કેન્દ્રો, સામુદાયિક આરોગ્ય કેન્દ્રો તેમજ સારવાર અને સંશોધન સંસ્થાઓની અંદર માળખાકીય સુવિધાઓ વધારવામાં સક્રિયપણે વ્યસ્ત છે.
તેમણે જણાવ્યુ કે તેનો ઉદ્દેશ્ય માળખાકીય અને મૂળભૂત જરૂરિયાતોને પહોંચી વળવાનો અને આ કેન્દ્રોને વિશ્વ કક્ષાની સુવિધાઓથી સજ્જ કરવાનો છે. આ સંદર્ભમાં, જે જિલ્લાઓમાં એક સામુદાયિક આરોગ્ય કેન્દ્રના નવીનીકરણની પ્રક્રિયા ચાલી રહી છે તેમાં શ્રાવસ્તી, બલિયા, બલરામપુર, ઉન્નાવ, કૌશામ્બી, મુઝફ્ફરનગર, હાપુડ, ચિત્રકૂટ, મહોબા, લખનઉ, બદાયુ અને સુલતાનપુરનો સમાવેશ થાય છે. આ ઉપરાંત હાપુડ જિલ્લામાં બે સામુદાયિક આરોગ્ય કેન્દ્રોને અપગ્રેડ કરવાનું કામ પણ શરૂ કરવામાં આવશે.
સમગ્ર ઉત્તર પ્રદેશ રાજ્યના 12 જિલ્લાઓમાં 13 સામુદાયિક આરોગ્ય કેન્દ્રોમાં અપગ્રેડેશનની પ્રક્રિયા શરૂ કરવામાં આવી રહી છે. તેમાંથી હાપુડ જિલ્લાના બહાદુરગઢ અને ગોહરા આલમગીર મુખ્ય છે. આ ઉપરાંત શ્રાવસ્તીમાં લક્ષ્મણપુર બજાર, બલિયામાં સહતવાર, ઉન્નાવમાં ઊંચગાંવ, કૌશામ્બીમાં કરારી, મુઝફ્ફરનગરમાં સિસૌલી, ચિત્રકૂટમાં રાયપુરા, મહોબામાં શ્રી નગર, લખનઉમાં બેહતા, બદાયુમાં ઈસ્લામનગર અને સુલતાનપુરમાં દેહદુગ્દુપુરને યાદીમાં સામેલ કરવામાં આવ્યા છે.
સરકાર તરફથી નાણાકીય મંજૂરી મળ્યા બાદ, આ ભંડોળની ફાળવણી આ તમામ 13 સામુદાયિક આરોગ્ય કેન્દ્રોના વિકાસને વેગ આપશે. તે તમામ તબીબી ઉપકરણોની પ્રાપ્તિ પ્રક્રિયાને પણ સુવ્યવસ્થિત કરશે. પ્રક્રિયામાં ખરીદેલ તમામ સાધનોની ગુણવત્તા, ખરીદી પ્રક્રિયાનું નિર્ધારણ અને પાલન ખરીદ અધિકારીની દેખરેખ હેઠળ કરવામાં આવશે.
ઉલ્લેખનીય છે કે, ફાળવેલ ભંડોળનો ઉપયોગ માત્ર નિર્દિષ્ટ હેતુઓ માટે જ થાય તેની ખાતરી કરવા માટે રાજ્ય સરકારના નિયમો અને શરતો અનુસાર સમગ્ર પ્રક્રિયા હાથ ધરવામાં આવશે. આ પહેલના ભાગરૂપે, લખનઉ સ્થિત વીરાંગના અવંતીબાઈ મહિલા હોસ્પિટલમાં બે શિશુ પરિવહન ઇન્ક્યુબેટરની ખરીદી અને ઇન્સ્ટોલેશન માટે રૂ. 4 લાખ, 3 ઓટોક્લેવ મશીનની ખરીદી અને ઇન્સ્ટોલેશન માટે રૂ. 60,000 અને MNCU માટે 6 વૉર્મર મશીન ખરીદવા અને ઇન્સ્ટોલ કરવા માટે રૂ. 9.40 લાખ ફાળવવામાં આવ્યા છે.
બારાબંકીની સિરૌલી ગૌસપુર હોસ્પિટલમાં એક્સ-રે મશીન પ્રિન્ટર ઇન્સ્ટોલ કરવા અને કન્નૌજમાં પેરા મેડિકલ ઇન્સ્ટિટ્યૂટમાં ચાલી રહેલા બાંધકામ માટે 8 કરોડ રૂપિયાની રકમ મંજૂર કરવામાં આવી છે. વધુમાં, લોની મ્યુનિસિપલ કાઉન્સિલ, ગાઝિયાબાદમાં 50 પથારીની ક્ષમતા ધરાવતી હોસ્પિટલના નિર્માણ માટે રૂ. 3.08 કરોડનો પ્રારંભિક હપ્તો બહાર પાડવામાં આવ્યો છે.
Click it and Unblock the Notifications
Sign in with Google
