તેલંગાણાનો વિરોધ કરનાર 6 સાંસદોને કોંગ્રેસે પાર્ટીમાંથી સસ્પેન્ડ કર્યા

Published: Tuesday, February 11, 2014, 20:09 [IST]

નવી દિલ્હી, 11 ફેબ્રુઆરી: કોંગ્રેસે મંગળવારે પોતાના છ સાંસદોને પાર્ટીમાંથી બરતરફ કરી દીધા. નિકાળવામાં આવેલા તમામ સાંસદ આંધ્ર પ્રદેશના છે અને તેઓ તેલંગાણાના ગઠન પર લોકસભામાં વિરોધ કરી રહ્યા હતા. પાર્ટી સૂત્રોના જણાવ્યા અનુસાર, પાર્ટીમાંથી નિકાળવામાં આવેલા સાંસદોમાં સબ્બમ હરિ, જીવી હર્ષ કુમાર, વી અરૂણ કુમાર, એલ રાજગોપાલ, આર સંબાશિવ રાવ અને એ સાઇ પ્રતાપનો સમાવેશ થાય છે.

આ પહેલા પૃથક તેલંગાણા રાજ્યના ગઠન અને 1984ના શીખ વિરોધી રમખાણોના મુદ્દા પર જારી હોબાળાના કારણે લોકસભાની કાર્યવાહી મંગળવારે દિવસભર માટે સ્થગિત કરી દેવામાં આવી હતી. ગૃહની કાર્યવાહી બપોરે 12 વાગ્યે ફરીથી શરૂ થવા પર તેલંગાણા ગઠનનું સમર્થન અને વિરોધ કરી રહેલા આંધ્ર પ્રદેશના સાંસદ ગૃહની વચ્ચોવચ આવીને ઊભા થઇ ગયા.

સીમાંધ્રના સાંસદ સંયુક્ત આંધ્ર લખેલું પોસ્ટર હાથમાં પકડી રાખ્યું હતું, જ્યારે તેલંગાણાના સભ્ય પૃથક રાજ્યના ઝલદી ગઠન માટેની માંગ કરી રહ્યા હતા, અને સૂત્રોચ્ચાર કરી રહ્યા હતા. શિરોમણી અકાલી દળના સભ્યોએ પણ સાથે સાથે પોસ્ટરો લઇને ઊભા થઇ ગયા અને કોંગ્રેસ ઉપાધ્યક્ષ રાહુલ ગાંધી પાસે 1984ના શીખ વિરોધી રમખાણમાં સામેલ લોકોના નામ જાહેર કરવાની માંગ કરી.

હોબાળાની વચ્ચે લોકસભા અધ્યક્ષ મીરા કુમારે સંસદની કાર્યવાહી દિવસભર માટે સ્થગિત કરી દીધી. તેલંગાણા ગઠન પર થઇ રહેલા વિરોધના કારણે સંસદની કાર્યવાહી પહેલા બપોરે 12 વાગ્યા સુધી સ્થગિત કરી દેવામાં આવી હતી.

Published On February 11, 2014