કોંગ્રેસની મેરેથોનમાં ભાગદોડ, છોકરીઓ ઘાયલ થઈ હોવાના અહેવાલ!

ઉત્તર પ્રદેશ વિધાનસભાની ચૂંટણી પહેલા કોંગ્રેસ 'લડકી હું, લડ સકતી હૂં' મેરેથોનનું આયોજન કરી રહી છે. બરેલી જિલ્લામાં આયોજિત કોંગ્રેસ મેરેથોનમાં અચાનક નાસભાગ મચી ગઈ છે.

બરેલી, 04 જાન્યુઆરી : ઉત્તર પ્રદેશ વિધાનસભાની ચૂંટણી પહેલા કોંગ્રેસ 'લડકી હું, લડ સકતી હૂં' મેરેથોનનું આયોજન કરી રહી છે. બરેલી જિલ્લામાં આયોજિત કોંગ્રેસ મેરેથોનમાં અચાનક નાસભાગ મચી ગઈ છે. આ દરમિયાન ઘણી છોકરીઓ રસ્તા પર પડી ગઈ અને ઘાયલ થઈ. આ દરમિયાન યુવતીઓના ચંપલ પણ રસ્તા પર વેરવિખેર જોવા મળ્યા હતા. જો કે આ દરમિયાન ત્યાં ઉભેલા પાર્ટી કાર્યકર્તાઓએ ભીડને રોકવાનો પ્રયાસ કર્યો હતો. આ અકસ્માતનો વીડિયો પણ સામે આવ્યો છે.

વીડિયોમાં સ્પષ્ટપણે જોઈ શકાય છે કે મેરેથોનમાં ભાગ લઈ રહેલી ઘણી છોકરીઓના ચહેરા પરથી માસ્ક પણ ગાયબ હતા. મેરેથોનમાં માસ્ક વગર મોટી સંખ્યામાં યુવતીઓએ ભાગ લીધો હતો. રેસ શરૂ થતાં જ કેટલીક યુવતીઓ પડી ગઈ, જેના પછી પાછળથી આવતી ભીડ રોકાઈ નહીં. જો કે, ત્યાં ઉભેલા અનેક લોકોએ ટોળાને રોકવાનો પ્રયાસ કર્યો, પરંતુ હજુ પણ 20 જેટલી છોકરીઓ જમીન પર પડી હતી. આ દરમિયાન ઘણી છોકરીઓના પગરખા રસ્તા પર વેરવિખેર થઈ ગયા હતા.

કહેવામાં આવી રહ્યું છે કે આ દુર્ઘટનામાં ત્રણ છોકરીઓ ઘાયલ થઈ છે, જેમને સારવાર માટે જિલ્લા હોસ્પિટલમાં દાખલ કરવામાં આવી છે. તે ત્રણેય પણ થોડા સમય પછી મેરેથોન કાર્યક્રમમાં જોડાઈ હતી. મીડિયા રિપોર્ટ્સ અનુસાર કોંગ્રેસની આ મેરેથોન રેસમાં શહેરથી લઈને ગ્રામ્ય વિસ્તારની દસ હજાર યુવતીઓએ ભાગ લીધો હતો. મેરેથોન દોડ બિશપ મંડળથી શરૂ થઈ પટેલ ચોક ગાંધી ઉદ્યાન થઈને બિશપ મંડળ ગ્રાઉન્ડ ખાતે સમાપ્ત થઈ હતી. ભોજીપુરાની રહેવાસી વિનિતાએ કોંગ્રેસની મેરેથોન દોડમાં પ્રથમ સ્થાન મેળવ્યું હતું, જેને સ્કૂટીથી નવાજવામાં આવી હતી.

કોંગ્રેસના નેતા અને બરેલીના ભૂતપૂર્વ મેયર સુપ્રિયા એરોને મેરેથોનમાં થયેલી નાસભાગ પર નિવેદન આપ્યું હતું અને તેને રાજકીય કાવતરું ગણાવ્યું હતું. તેમણે કહ્યું કે, જ્યારે વૈષ્ણોદેવીમાં નાસભાગ થઈ શકે છે તો પછી આ છોકરીઓ છે, આ માનવ સ્વભાવ છે. પરંતુ આ માટે હું મીડિયા કર્મચારીઓની માફી માંગુ છું. આ એક ષડયંત્ર પણ હોઈ શકે છે. કોંગ્રેસના વધતા સમર્થનના કારણે પણ આવું ષડયંત્ર થઈ શકે છે. ઉલ્લેખનિય છે કે ઉત્તર પ્રદેશમાં આવનારી વિધાનસભા ચૂંટણીને લઈને હાલ તમામ પાર્ટીઓ એડીચોટીનું જોર લગાવી રહ્યી છે.

English summary

Congress marathon run, many girls reported injured!