સોનિયા ગાંધીનું મોટું એલાન, ઘરે ફરી રહેલા પ્રવાસી મજૂરોની ટિકિટનો ખર્ચો કોંગ્રેસ ઉઠાવશે

Published: Monday, May 4, 2020, 9:39 [IST]

નવી દિલ્હીઃ કોરોના વાયરસની મહામારી વચ્ચે પ્રવાસી મજૂરોને પોતપોતાના રાજ્યોમાં પહોંચાડવા માટે શરૂ કરાયેલ સ્પેશિયલ ટ્રેનને લઈ વિવાદ શરૂ થઈ ગયો છે. જણાવી દઈએ કે સરકાર મજૂરોને તેમના ઘરે પહોંચાડવા માટે તેમની પાસેથી ટ્રેનનું ભાડું વસૂલી રહી છે. આ મામલાને લઈ કોંગ્રેસે જ્યાં કેન્દ્ર સરકાર પર હુમલો બોલ્યો,, ત્યાં જ હવે પાર્ટીએ ફેસલો કર્યો છે કે મજૂરોના રેલ ટિકિટના પૈસા તે ખુદ આપશે. કોંગ્રેસના કામચલાઉ અધ્યક્ષ સોનિયા ગાંધી તરફથી આ મામલે નિવેદન આવ્યું છે.

સોનિયા ગાંધીએ આ વિશે નિવેદન જાહેર કરતા કહ્યું કે, "ભારતીય રાષ્ટ્રીય કોંગ્રેસે નિર્ણય લીધો છે કે પ્રદેશ કોંગ્રેસ કમિટી દરેક એકમ દરેક જરૂરિયાતમંદ શ્રમિક અને ગામદારને ઘરે ફરવાના રેલ યાત્રાની ટિકિટનો ખર્ચ ઉઠાવશે અને આ વિશે જરૂરી પગલાં ભરશે. આ આપણા હમવતન લોકોની સેવામાં ભારતીય રાષ્ટ્રીય કોંગ્રેસનું વિનમ્ર યોગદાન હશે અને સાથે તેમની સાથે એકજુટતાથી ખભાથી ખભા મિલાવીને ચાલવું પણ હશે."

Published On May 4, 2020