સાધ્વી પ્રજ્ઞા ઠાકુરનું વિવાદિત નવેદન, કહ્યું- ઘરમાં ધરવાળું ચાકુ રાખવું
સાંસદ પ્રજ્ઞા ઠાકુરે કહ્યું કે દરેકને પોતાની રક્ષા કરવાનો અધિકાર છે. તેમણે હિંદુ સમુદાયના લોકોને ઓછામાં ઓછા તેમના ઘરમાં ધારદાર છરીઓ રાખવાનું આહ્વાન કર્યું હતું.
બીજેપી સાંસદ પ્રજ્ઞા સિંહ ઠાકુરે લવ જેહાદ અને ધર્મ પરિવર્તન મામલે તીખી પ્રતિક્રિયા આપી છે. તેમણે પોતાના એક નિવેદનમાં કહ્યું કે હિંદુઓને તેમના પર અને તેમની ગરિમા પર હુમલો કરનારાઓને જવાબ આપવાનો અધિકાર છે. સાંસદ પ્રજ્ઞા ઠાકુરે કહ્યું કે દરેકને પોતાની રક્ષા કરવાનો અધિકાર છે. તેમણે હિંદુ સમુદાયના લોકોને ઓછામાં ઓછા તેમના ઘરમાં ધારદાર છરીઓ રાખવાનું આહ્વાન કર્યું હતું.
બીજેપી સાંસદ પ્રજ્ઞા ઠાકુરે ગયા અઠવાડિયે રવિવારે દક્ષિણ ક્ષેત્ર હિન્દુ જાગરણ વૈદિકના વાર્ષિક સંમેલનમાં હાજરી આપી હતી. આ દરમિયાન તેમણે પોતાના સંબોધનમાં કહ્યું કે તપસ્વીઓ કહે છે કે દુનિયામાં જુલમી અને પાપીઓનો નાશ થવો જોઈએ. નહીં તો અહીં પ્રેમની વ્યાખ્યા પણ ટકી નહીં શકે. આવું કરનારાઓને આપણે જવાબ આપવાનો છે. બીજેપી સાંસદે કહ્યું કે તમારી છોકરીઓને લવ જેહાદથી બચાવો અને તેમને જીવનના યોગ્ય મૂલ્યો શીખવો. મિશનરી સંસ્થાઓમાં તેમના બાળકોને શિક્ષણ આપવા અંગે તેમણે કહ્યું કે આમ કરીને તમે તમારા માટે વૃદ્ધાશ્રમના દરવાજા ખોલી નાખો છો. બાળકોને મિશનરીઓમાં સારી સંસ્કૃતિ મળતી નથી. તેઓ મોટા થઈને સ્વાર્થી બની જાય છે.
શિવમોગ્ગામાં હર્ષ સહિત હિંદુ કાર્યકરોની હત્યા તરફ ઈશારો કરતા ભાજપના સાંસદે કહ્યું કે સ્વરક્ષણ માટે ઘરમાં ધારદાર છરીઓ રાખવી જોઈએ. સાંસદ પ્રજ્ઞા ઠાકુરે હિંદુ સમુદાયને અપીલ કરતા કહ્યું કે, "તમારા ઘરોમાં હથિયાર રાખો, જો બીજું કંઈ ન હોય તો, શાકભાજી કાપવા માટે ઓછામાં ઓછી એક છરી, તીક્ષ્ણ વસ્તુ રાખો... ખબર નથી કે ક્યારે શું સ્થિતિ થશે. દરેકને સ્વરક્ષણનો અધિકાર છે. જો કોઈ આપણા ઘરમાં ઘૂસીને આપણા પર હુમલો કરે તો તેને યોગ્ય જવાબ આપવાનો આપણો અધિકાર છે."
મુસ્લિમ સમુદાયનું નામ લીધા વિના તેમણે કહ્યું કે તેમની પાસે લવ જેહાદ છે, તેમની જેહાદની પરંપરા છે. તેઓ લવ જેહાદ કરે છે, લવ નહીં. સાંસદ પ્રજ્ઞાએ કહ્યું કે અમે (હિંદુઓ) પણ પ્રેમ કરીએ છીએ. આપણે બધા ભગવાનને પ્રેમ કરીએ છીએ. એક સન્યાસી તેના ભગવાનને પ્રેમ કરે છે.
Click it and Unblock the Notifications
Sign in with Google
