મહારાષ્ટ્ર સરકારે સલમાનને રસીકરણ સાથે જોડતા વિવાદ, તૃષ્ટિકરણનો આરોપ!
ભારતમાં કોરોના સામે રસીકરણ અભિયાન યુદ્ધના ધોરણે ચાલી રહ્યું છે, પરંતુ એવા ઘણા લોકો છે જે અફવાઓને કારણે રસી લેવા માંગતા નથી.
મુંબઈ, 16 નવેમ્બર : ભારતમાં કોરોના સામે રસીકરણ અભિયાન યુદ્ધના ધોરણે ચાલી રહ્યું છે, પરંતુ એવા ઘણા લોકો છે જે અફવાઓને કારણે રસી લેવા માંગતા નથી. આના પર મહારાષ્ટ્ર સરકારે એક મોટો નિર્ણય લીધો, જે અંતર્ગત સલમાન ખાન મુસ્લિમોમાં કોરોના વેક્સિન અંગેની ખચકાટ દૂર કરવા માટે જાગૃતિ અભિયાન ચલાવશે. જેને લઈને રાજકારણ શરૂ થઈ ગયું છે. આ સાથે ભાજપે ઉદ્ધવ સરકાર પર નિશાન સાધ્યું છે.
આ મામલે બીજેપી નેતા રામ કદમે કહ્યું કે અમે સલમાન ખાન પર સવાલ નથી કરી રહ્યા, અમે કોંગ્રેસ અને રાજ્ય સરકારના ઈરાદા પર સવાલ કરી રહ્યા છીએ. તેઓ એક ધર્મને ખુશ કરી રહ્યા છે. તેમના શાસનમાં સંતો અને હિન્દુઓની સતત અવગણના થઈ રહી છે. સાથે જ તેમને હેરાન કરવામાં આવી રહ્યા છે. શું તે (રાજ્ય સરકાર) આગામી વિધાનસભા ચૂંટણીને ધ્યાનમાં રાખીને સલમાન ખાનને જોડી રહ્યાં છે? દરેક વ્યક્તિ કોઈપણ રીતે રસીકરણ પ્રક્રિયામાં મોટી સંખ્યામાં મદદ કરી રહી છે.
સોમવારે મહારાષ્ટ્રના આરોગ્ય પ્રધાન રાજેશ ટોપેએ કહ્યું હતું કે મુસ્લિમ બહુમતીવાળા વિસ્તારોમાં રસી અંગે થોડી શંકા છે, જેના કારણે રાજ્ય સરકારે મુસ્લિમોમાં રસી અંગે વિશ્વાસ જગાડવા માટે સલમાન ખાન અને અન્ય ધાર્મિક નેતાઓની મદદ લેવાનો નિર્ણય કર્યો છે. તેમણે કહ્યું કે ધર્મગુરુઓ અને ફિલ્મ કલાકારોનો સમાજ પર ઊંડો પ્રભાવ છે. જો તેઓ કંઈક કહે છે તો તેમને વધુ સાંભળવામાં આવશે.
તમને જણાવી દઈએ કે મુંબઈની 100 ટકા વસ્તીને રસીનો પ્રથમ ડોઝ આપવામાં આવ્યો છે. હાલમાં 460 જેટલા ખાનગી અને જાહેર કેન્દ્રો છે, જે તમામ ખાલી છે. એક રિપોર્ટ અનુસાર મુંબઈની ખાનગી હોસ્પિટલોમાં રસીના 85 ટકા ડોઝનું વેચાણ થયું નથી, જ્યારે સમગ્ર મહારાષ્ટ્રમાં લગભગ 9 મિલિયન ડોઝ પેન્ડિંગ છે.
Click it and Unblock the Notifications
Sign in with Google
