નવજોત સિંહ સિદ્ધુએ ઈમરાન ખાનને મોટા ભાઈ કહેતા વિવાદ, બીજેપી નેતા અમિત માલવિયએ વીડિયો શેર કર્યો!

ભારતીય જનતા પાર્ટીના નેતા અમિત માલવિયાએ શનિવારે પોતાના ટ્વિટર પર નવજોત સિંહ સિદ્ધુનો એક વીડિયો શેર કર્યો છે. જે બાદ નવો હંગામો શરૂ થયો છે.

નવી દિલ્હી, 20 નવેમ્બર : ભારતીય જનતા પાર્ટીના નેતા અમિત માલવિયાએ શનિવારે પોતાના ટ્વિટર પર નવજોત સિંહ સિદ્ધુનો એક વીડિયો શેર કર્યો છે. જે બાદ નવો હંગામો શરૂ થયો છે. વીડિયોમાં કોંગ્રેસના નેતા નવજોત સિંહ સિદ્ધુ કરતારપુરના એક અધિકારીને ગળે લગાવતા અને પાકિસ્તાનના વડાપ્રધાન ઈમરાન ખાનને તેમના મોટા ભાઈ કહેતા જોઈ અને સાંભળી શકાય છે.

વીડિયો ટ્વિટ કરીને અમિત માલવિયાએ કોંગ્રેસ પર કટાક્ષ કર્યો અને કહ્યું કે, રાહુલ ગાંધીના પ્રિય નવજોત સિંહ સિદ્ધુ પાકિસ્તાનના વડાપ્રધાન ઈમરાન ખાનને પોતાના મોટા ભાઈ કહે છે. છેલ્લી વખત જ્યારે તેમણે પાકિસ્તાની સેનાના વડા જનરલ બાજવાને ગળે લગાવ્યા ત્યારે તેમની ખૂબ પ્રશંસા કરવામાં આવી હતી. અમીલ માલવિયાએ આગળ લખ્યું કે, શું તે આશ્ચર્યજનક વાત છે કે ગાંધી ભાઈઓ-બહેનો અને પીઢ અમરિંદર સિંહની જગ્યાએ પાકિસ્તાન પ્રેમી સિદ્ધુને પસંદ કર્યા?

Rahul Gandhi’s favourite Navjot Singh Sidhu calls Pakistan Prime Minister Imran Khan his “bada bhai”. Last time he had hugged Gen Bajwa, Pakistan Army’s Chief, heaped praises.

Is it any surprise that the Gandhi siblings chose a Pakistan loving Sidhu over veteran Amarinder Singh? pic.twitter.com/zTLHEZT3bC

— Amit Malviya (@amitmalviya) November 20, 2021

અમિત માલવિયા દ્વારા પોસ્ટ કરવામાં આવેલા વીડિયોમાં શનિવારે કરતારપુર ગુરુદ્વારાની મુલાકાતે ગયેલા નવજોત સિંહ કરતારપુરના એક અધિકારીને મળતા જોઈ શકાય છે. વિડિયોમાં એક પાકિસ્તાની અધિકારી વડાપ્રધાન વતી નવજોત સિંહ સિદ્ધુનું સ્વાગત કરતા સાંભળવા મળે છે. તેને કહ્યું કે અમે ઘણા સમયથી આ દિવસની રાહ જોઈ રહ્યા હતા. જેના જવાબમાં નવજોત સિંહ સિદ્ધુએ કહ્યું કે હું ખૂબ જ સન્માનિત છું. તે મારા મોટ ભાઈ છે. હું તેને લાયક નથી, પરંતુ તમારો ખૂબ આભાર. આ પછી પાકિસ્તાની અધિકારીઓએ નવજોત સિંહ સિદ્ધુને હાર પહેરાવીને અને ગુલાબની પાંખડીઓ વરસાવીને તેમનું સ્વાગત કર્યું હતું.

English summary

Controversy over Navjot Singh Sidhu calling Imran Khan big brother, BJP leader Amit Malviya shares video!