Coronavirus: કોરોના વાયરસના કેસોમાં છેલ્લા 24 કલાકમાં 602નો વધારો, 5ના મોત

Coronavirus: ભારતમાં કોરોના ઝડપથી ફેલાઈ રહ્યો છે. છેલ્લા 24 કલાક દરમિયાન દેશમાં કોવિડના કુલ 602 નવા કેસ નોંધાયા છે. આ દરમિયાન 5 દર્દીઓના મોત પણ થયા છે. સક્રિય કેસ લોડ 4,440 પર પહોંચી ગયો છે જેમાં 602 નવા કેસ મળી આવ્યા છે.

કર્ણાટક સરકારે છેલ્લા 24 કલાકમાં કોવિડને કારણે એક મૃત્યુ નોંધ્યું છે, આરોગ્ય અને પરિવાર કલ્યાણ વિભાગે મંગળવારે જણાવ્યું હતું કે રાજ્યમાં છેલ્લા 24 કલાકમાં કુલ 148 પોઝિટિવ કેસ નોંધાયા છે. મૃતકની ઓળખ વિજયનગરના 45 વર્ષીય પુરુષ તરીકે થઈ છે.

આરોગ્ય અને પરિવાર કલ્યાણ વિભાગે જણાવ્યું હતું કે છેલ્લા 24 કલાકમાં કુલ 7305 પરીક્ષણો કરવામાં આવ્યા હતા અને પૉઝિટિવ દર 2.02 ટકા હતો. મંગળવારે અપડેટ કરાયેલ INSACOG ડેટા અનુસાર ભારતમાં JN.1 સબ-વેરિઅન્ટના કુલ 263 કેસ અત્યાર સુધીમાં મળી આવ્યા છે, જેમાંથી લગભગ અડધા કેરળમાં નોંધાયા છે.

અત્યાર સુધીમાં દસ રાજ્યો અને કેન્દ્રશાસિત પ્રદેશોએ વાયરસના JN.1 પેટા પ્રકારની હાજરી શોધી કાઢી છે. INSACOG ડેટા અનુસાર, કેરળમાં 133, ગોવામાં 51, ગુજરાતમાં 34, દિલ્હીમાં 16, કર્ણાટકમાં 8, મહારાષ્ટ્રમાં 9, રાજસ્થાનમાં 5, તમિલનાડુમાં 4, તેલંગાણામાં 2 અને ઓડિશામાં 1 કેસ છે.

કોરોના મહામારીમાં અત્યાર સુધીમાં 5.3 લાખથી વધુ લોકોના મોત થયા છે. દેશભરમાં અત્યાર સુધીમાં 4.5 કરોડથી વધુ લોકો સંક્રમિત થયા છે. સ્વાસ્થ્ય મંત્રાલયની વેબસાઈટ અનુસાર, આ રોગમાંથી સાજા થનારા લોકોની સંખ્યા 4.4 કરોડથી વધુ છે. જેનો રાષ્ટ્રીય રિકવરી રેટ 98.81 ટકા છે. વેબસાઇટ અનુસાર, દેશમાં અત્યાર સુધીમાં કોવિડ રસીના 220.67 કરોડ ડોઝ આપવામાં આવ્યા છે.

COVID-19 | India reports 602 new cases, 5 deaths in the last 24 hours; Active caseload at 4,440

— ANI (@ANI) January 3, 2024

English summary

Coronavirus Updates: India reports 602 new covid 19 cases and 5 deaths in the last 24 hours.