નીતિશે બોલાવી કેબિનેટની બેઠક, ભાજપા મંત્રીઓ નહીં જોડાય

પટના, 16 જૂન : બિહારના મુખ્યમંત્રી નીતિશ કુમારે આજે બપોરે 11.00 વાગ્યે કેબિનેટની તાત્કાલિક બેઠક બોલાવી છે, જે ચાલુ પણ થઇ ગઇ છે. ઉલ્લેખનીય વાત એ છે આ બેઠકમાં ભાજપામંત્રીઓએ ભાગ લીધો નથી.

કહેવાય છે કે આ બેઠકમાં ભાજપા અને જેડીયૂના સંબંધને સમાપ્ત કરવાનો અંતિમ નિર્ણય લેવામાં આવશે. જોકે આની જાહેરાત જેડીયૂની બેઠક પૂરી થયા બાદ કરવામાં આવશે તેવું માનવામાં આવે છે.

મુખ્યમંત્રી નીતિશના બોલાવવા પર ઉપ મુખમંત્રી સુશીલ કુમાર મોદી અને એનડીએના પ્રદેશ સંયોજક નંદકિશોર યાદવનો જવાથી ઇનકાર અને ગુજરાતના મુખ્યમંત્રી નરેન્દ્ર મોદીના મુદ્દા પર કોઇપણ સ્થિતિમાં પાછળ નહીં હટવાના જેડીયૂના વલણ બાદ હવે ભાજપા-જેડીયૂનો લગભગ 17 વર્ષ જૂનો સંબંધ તૂટવાનું લગભગ નક્કી થઇ ગયું છે અને તેની ઔપચારિક જાહેરાત આજે રવિવારે ત્રણ વાગ્યા સુધી થઇ જાય તેવી સંભાવના છે.

આની વચ્ચે શનિવારે મોડી સાંજે જેડીયૂના રાષ્ટ્રીય અધ્યક્ષ શરદ યાદવ અને મુખ્યમંત્રી નીતિશ કુમારની વચ્ચે મુખ્યમંત્રી રહેઠાણમાં ઘણા કલાકો સુધી મંથન બાદ ભાજપા-જેડીયૂ ગઠબંધનના સંબંધમાં અંતિમ નિર્ણય લઇ લેવામાં આવ્યો છે. જેના પર આજે બોલાવેલી કેબિનેટની બેઠકમાં અંતિમ મોહર મારી દેવામાં આવશે.

English summary

The JD(U) leaders in Bihar are set to meet over a crucial meeting at 11.30 am on Sunday to take a call on the fate of the party's seriously strained relation with the BJP.