Cyclone Mocha : બંગાળની ખાડીમાં સક્રિય થયું સાયક્લોન મોચા, આ રાજ્યોમાં ભારે વરસાદની આગાહી
Cyclone Mocha : એપ્રિલ બાદ હવે મેના પહેલા અઠવાડિયામાં પણ વરસાદની આગાહી કરવામાં આવી છે. જે કારણે મે-જૂનમાં પણ તાપમાનનો પારો નીચે રહી શકે છે. આ વચ્ચે બંગાળની ખાડીમાં એક ચક્રવાત સક્રિય થઇ રહ્યું છે. જે કારણે ઘણા રાજ્યોમાં ભારે વરસાદ થવાની શક્યતા છે.
સતત વરસી રહેલા વરસાદને કારણે અત્યાર સુધી તાપમાનનો પારો સામાન્ય કરતા નીચે રહ્યો છે. સોમવારે પણ દિલ્હી-NCR સહિત ઉત્તર ભારતમાં વરસાદ પડ્યો, જેના કારણે તાપમાન 20 ડિગ્રી સેલ્સિયસથી નીચે ગયું હતું.
એપ્રિલમાં અને હવે મે મહિનામાં આ કમોસમી વરસાદ વૈજ્ઞાનિકો માટે આશ્ચર્યનો વિષય બની ગયો છે. ઘણા વર્ષો બાદ વેસ્ટર્ન ડિસ્ટર્બન્સની અસર ઉત્તર ભારતના બદલે મધ્યપ્રદેશ, રાજસ્થાન અને ઉત્તર પ્રદેશમાં જોવા મળી રહી છે. જેના કારણે સતત વરસાદ પડી રહ્યો છે. હવામાન વિભાગનું કહેવું છે કે, ગાજવીજ સાથે વરસાદની આ સ્થિતિ 15 મે સુધી ચાલુ રહેશે.
ખાનગી હવામાન એજન્સી સ્કાયમેટના જણાવ્યા અનુસાર, બંગાળની ખાડીમાં લો પ્રેશરનું ક્ષેત્ર વિકસિત થયું છે. જેના કારણે 9 મે સુધીમાં હવાનું દબાણ વધુ તીવ્ર બની શકે છે અને લગભગ ઉત્તર તરફ આગળ વધી રહેલા ચક્રવાતી તોફાનમાં તીવ્ર બની શકે છે.
એજન્સી અનુસાર, 10 મેના રોજ ઉષ્ણકટિબંધીય તોફાન વધુ તીવ્ર બનશે. આ વાવાઝોડું બંગાળની ખાડી પર આગળ વધીને ઉત્તરપૂર્વ તરફ આગળ વધી શકે છે. આ પ્રક્રિયા દરમિયાન ચક્રવાત ઉત્તર ઓડિશા અને પશ્ચિમ બંગાળના તટની નજીક આવી શકે છે. બાંગ્લાદેશમાં પણ તોફાન ફાટી નીકળવાની શક્યતા છે.
જો દેશના આગામી 24 કલાકના હવામાનની વાત કરીએ તો આંદામાન-નિકોબાર ટાપુઓના દક્ષિણ ભાગોમાં મધ્યમથી ભારે વરસાદની શક્યતા છે. ધીમે ધીમે તે સમગ્ર આંદામાન અને નિકોબાર ટાપુઓને આવરી લેશે. દક્ષિણપૂર્વ બંગાળની ખાડી અને આંદામાન સમુદ્રમાં દરિયાની સ્થિતિ ખૂબ જ રફ હશે અને દરિયામાં ઊંચા મોજા ઉછળતા પણ જોવા મળશે.
તમિલનાડુ, દક્ષિણ અને તટીય કર્ણાટક, કેરળ અને મધ્ય મહારાષ્ટ્રના ભાગોમાં પણ હળવાથી મધ્યમ વરસાદ થયો હતો. ઓડિશા, દક્ષિણ છત્તીસગઢ, મધ્ય ઉત્તર પ્રદેશ, લક્ષદ્વીપ, તેલંગાણા, વિદર્ભ, મરાઠવાડા અને આંધ્રપ્રદેશમાં હળવો વરસાદ થઈ શકે છે. આગામી 24 કલાક દરમિયાન જમ્મુ અને કાશ્મીર, લદ્દાખ, હિમાચલ પ્રદેશ અને ઉત્તરાખંડમાં એક કે બે જગ્યાએ હળવોથી મધ્યમ વરસાદ અને હિમવર્ષા થઈ શકે છે.
Click it and Unblock the Notifications
Sign in with Google
