ધ કાશ્મીર ફાઈલ્સ ફિલ્મ પર સોશિયલ મીડિયામાં પોસ્ટ કરવા પર દલિત યુવકને બળજબરીથી મંદિરના ઓટલે રગડાવ્યુ નાક
આવો જ એક કેસ રાજસ્થાનના અલવરમાં સામે આવ્યો છે.
અલવરઃ કાશ્મીરી પંડિતોના વિસ્થાપન પર બનેલી ફિલ્મ ધ કાશ્મીર ફાઈલ્સ હાલમાં ઘણી ચર્ચામાં છે. લોકો આ ફિલ્મને લઈને પોતાની પ્રતિક્રિયા આપી રહ્યા છે. સોશિયલ મીડિયા પર આ ફિલ્મ ઘણી ચર્ચામાં છે અને લોકો આ ફિલ્મની ખૂબ જ પ્રશંસા કરી રહ્યા છે. પરંતુ સોશિયલ મીડિયા પર ફિલ્મને લઈને સવાલ-જવાબ વચ્ચે આના વિશે વિવાદ પણ સામે આવી રહ્યા છે. લોકો એકબીજા સાથે વિવાદ કરી રહ્યા છે એટલુ જ નહિ પરંતુ મારપીટ કરવા પર પણ ઉતરી આવ્યા છે. આવો જ એક કેસ રાજસ્થાનના અલવરમાં સામે આવ્યો છે.
રાજસ્થાનના અલવરમાં 32 વર્ષના દલિત વ્યક્તિએ ફેસબુક પર એક પોસ્ટ લખી હતી જેમાં તેણે સવાલ ઉઠાવ્યો હતો કે જો કાશ્મીરી પંડિતોના વિસ્થાપન પર બનેલી ફિલ્મને ટેક્સ ફ્રી કરવામાં આવી શકે છે તો દલિતો પર બનેલી ફિલ્મ જય ભીમને ટેક્સ ફ્રી કેમ કરવામાં ન આવી. પરંતુ અલવરના ગોકલપુર ગામમાં રહેતા મેઘવાળને ફેસબુક પર આ પોસ્ટ મૂકવી ભારે પડી ગઈ.
મેઘવાળે જણાવ્યુ કે જ્યારે મે સોશિયલ મીડિયા પર પોસ્ટ કરી તો લોકો મારી પોસ્ટ પર ધાર્મિક કમેન્ટ કરવા લાગ્યા અને નારા લગાવવા લાગ્યા. લોકો આટલેથી અટક્યા નહિ પરંતુ તેમણે મને ધમકી પણ આપવાની શરુ કરી દીધી. લોકો મારા પર દબાણ કરવા લાગ્યા કે હું આના માટે માફી માંગુ. મારા પર ગામના લોકો અને સરપંચે ગામના મંદિરમાં જઈને માફી માંગવા માટે કહ્યુ. તેમણે મને કહ્યુ કે જો હું આમ કરીશ તો મને હેરાન કરવામાં નહિ આવે. પરંતુ આ લોકોએ મારા પર દબાણ કરવાનુ શરુ કરી દીધુ અને બળજબરીથી મને મંદિરના ઓટલે નાક રગડવા માટે મજબૂર કરવામાં આવ્યો.
આ ઘટના બાદ મેઘવાળે બહરોડ પોલિસ સ્ટેશનમાં ફરિયાદ નોંધાવી. ત્યારબાદ પોલિસે 11 લોકો સામે સંબંધિત કલમોમાં કેસ નોંધ્યો છે. મેઘવાળે જણાવ્યુ કે આ લોકો સામે કેસ કરાવ્યા બાદ પણ મારા પર ઘણી દબાણ કરવામાં આવી રહ્યુ છે. મારા જીવને જોખમ છે અને ખૂબ ડરી ગયો છુ. વળી, પોલિસ અધિકારીએ જણાવ્યુ કે 11 આરોપીઓમાંથી 7ની ધરપકડ કરી લેવામાં આવી છે, અમે કેસની તપાસ કરી રહ્યા છે.