દામિનીના મિત્રનું ઇન્ટર્વ્યૂ સીડી પુરાવો નથી: સુપ્રીમ કોર્ટ
સુપ્રીમ કોર્ટના મુખ્ય ન્યાયાધીશ ન્યાયમૂર્તિ અલ્તમસ કબીરની અધ્યક્ષતાવાળી ખંડપીઠે આ સંબંધમાં દિલ્હી સરકારની અરજી સ્વીકાર કરતા આ નિર્ણય સંભળાવ્યો. સરકારે દિલ્હી હાઇકોર્ટના આદેશને પડકાર આપ્યો હતો, જેણે ઇન્ટર્વ્યૂની સીડીને પૂરાવા તરીકે ઉપયોગ કરવાની પરવાનગી આપી હતી.
સુપ્રીમ કોર્ટે પોતાના નિર્ણયમાં જણાવ્યું કે સામુહિક દુષ્કર્મ મામલામાં આરોપ-પત્ર દાખલ કરાયા બાદ પીડિતાના મિત્ર દ્વારા સમાચાર ચેનલોને આપેલા ઇન્ટર્વ્યૂની સીડીને પુરાવા તરીકે ઉપયોગમાં લઇ શકાય નહી.
અત્રે ઉલ્લેખનીય છે કે પીડિતા મેડિકલ વિદ્યાર્થિની હતી અને તેની સાથે આ ઘટના ઘટી ત્યારે તેનો મિત્ર તેની સાથે હતો અને બંને મુવી જોઇને પાછા ફરી રહ્યા હતા. દામિનીનું સિંગાપૂરની એલિઝાબેથ હોસ્પિટલમાં સારવાર દરમિયાન મોત થયું હતું.
Click it and Unblock the Notifications
Sign in with Google
