ગુજરાત, હિમાચલમાં રોકડ સબસિડી રોકવામાં આવે: EC

નવી દિલ્હી, 4 ડિસેમ્બર: કેન્દ્ર સરકારની ખુબ જ મહત્વકાંક્ષી રોકડ સબસિડી યોજના પર ચૂંટણીપંચે વાંધો ઉઠાવતા જણાવ્યું છે કે ચૂંટણીને ધ્યાનમા રાખી સરકારે તેની જાહેરાત હાલપૂરતી મોકૂફ રાખવી જોઇતી હતી. ચૂંટણીપંચે સરકારને જણાવ્યું કે ગુજરાત અને હિમાચલ પ્રદેશમાં સરકાર આ યોજનાનો અમલ ત્યા સુધી રોકી દે જ્યાં સુધી ચૂંટણી પ્રક્રિયા પૂરી ના થઇ જાય.

અત્રે ઉલ્લેખનીય છે કે યોજના એક જાન્યુઆરીથી લાગૂ થવાની છે જ્યારે હિમાચલ અને ગુજરાતમાં 20 ડિસેમ્બરના રોજ ચૂંટણીના પરિણામ જાહેર થવાના છે.

આ પહેલા ભાજપી નેતા લાલકૃષ્ણ આડવાણી અને સુષમા સ્વરાજે ચૂંટણીપંચના મુખ્ય અધિકારીને મળીને આ યોજનાને લઇને ફરિયાદ નોંધાવી હતી. જેની પ્રક્રિયામાં પંચે સરકાર પાસે જવાબ માંગ્યો હતો. સોમવારે ચૂંટણીપંચને આપેલા જવાબમાં સરકારે જણાવ્યું કે યોજનાની જાહેરાત બજેટ ભાષણ દરમિયાન જ કરી દેવામાં આવી હતી. સાથે સાથે સરકારે એ આરોપોને પણ રદિયો આપી દીધો કે આ યોજના ચૂંટણીને ધ્યાનમાં રાખીને જાહેર કરવામાં આવી છે.

સરકાર અનુસાર રોકડ સબસિડી યોજનાની જહેરાત 16 માર્ચ 2012ના રોજ તત્કાલીન નાણાંમંત્રી પ્રણવ મુખર્જીએ પોતાના બજેટ ભાષણમાં કરી હતી. 28 સપ્ટેમ્બર 2012ના રોજ પ્રધાનમંત્રી કાર્યાલયે યોજનાના સંબંધમાં વિસ્તારથી જાણકારી આપતા એક પ્રેસનોટ જારી કરી હતી, જ્યારે ગુજરાત ચૂંટણીની જાહેરાત 3 ઓક્ટોબરે થઇ હતી.

ચૂંટણીપંચે આજે આપેલા નિર્ણયથી ફલિત થાય છે કે તે સરકારના નિર્ણયથી સંતુષ્ટ નથી. જોકે સરકાર માટે રાહતની વાત એ છે કે પંચે પક્ષ માટે કોઇ મોટો આદેશ કે ચેતવણી આપી નથી.

English summary

Voicing concern over announcement of direct cash transfer scheme during the operation of Model Code of Conduct, the Election Commission on Tuesday directed the government to keep in abeyance its implementation in Gujarat and Himachal Pradesh where the poll process is on.