Delhi Cocaine Seized : ડ્રગ્સની ઝપેટમાં દિલ્હી, વધુ એક 2 હજાર કરોડની કોકીનની ખેપ પકડાઈ

Delhi Cocaine Seized : દેશભરમાં આજકાલ કરોડોનું ડ્રગ્સ પકડાવુ સામાન્ય બાબત બની ગઈ છે. હવે અઠવાડિયામાં જ દિલ્હીમાં બીજી વખત હજારો કરોડોનું ડ્રગ્સ ઝડપાયુ છે.

સમાચારો અનુસાર, દિલ્હી પોલીસના સ્પેશિયલ સેલે શહેરના રમેશ નગર વિસ્તારમાંથી 2 હજાર કરોડ રૂપિયાનું 200 કિલો ડ્રગ્સ જપ્ત કર્યું છે.

દિલ્હી પોલીસને આ અઠવાડિયામાં આ આ બીજી સફળતા મળી છે. આ પહેલા ગયા અઠવાડિયે મહિપાલપુરમાંથી 560 કિલો કોકેન ઝડપાયું હતું. જેની કિંમત લગભગ 5000 કરોડ રૂપિયા આસપાસ હતી.

બીજી તરફ 5000 કરોડ રૂપિયાના ડ્રગ્સ કેસમાં દિલ્હી પોલીસે સિન્ડિકેટ સાથે સંકળાયેલા સાતમા આરોપીની ધરપકડ કરી છે. આરોપીનું નામ અખલાખ છે અને તે યુપીના હાપુડનો રહેવાસી છે. આ આરોપીની તપાસમાં જ સ્પેશિયલ સેલે દિલ્હીના રમેશ નગરમાં દરોડો પાડીને 200 કિલો કોકેન જપ્ત કર્યું છે.

દિલ્હી પોલીસની સ્પેશિયલ સેલ આ સમગ્ર સિન્ડિકેટ સાથે સંબંધિત તમામ એંગલથી તપાસ કરી રહી છે. આ કેસમાં કાર્ગો રૂટથી રોડ સુધીની તપાસ કરવામાં આવી રહી છે.

પોલીસે જે સાતમા આરોપીની ધરપકડ કરી છે તેની ડ્રગ્સ સિન્ડિકેટમાં અત્યાર સુધીની ભૂમિકા ટ્રાન્સપોર્ટેશનને લઈને પ્રકાશમાં આવી રહી છે. વેરહાઉસમાં ડ્રગ્સ રાખનાર વ્યક્તિ યુકેનો નાગરિક હતો અને કોકેઈન અહીં રાખ્યા બાદ તે ફરાર થઈ ગયો હતો. અખલાખની પૂછપરછ બાદ જ પોલીસને યુકેના આ નાગરિક વિશે માહિતી મળી હતી.

English summary

Delhi Cocaine Seized: Another 2 thousand crore worth of cocaine was seized in Delhi