Delhi MCD Election 2022: મારૂ નામ વોટર લિસ્ટમાં નથી, કોંગ્રેસ અધ્યક્ષ અનિલ ચૌધરીનો દાવો

દિલ્હીમાં આજે નગરપાલિકાની ચૂંટણી માટે મતદાન ચાલુ છે. 250 વોર્ડ માટે મતદાન થઈ રહ્યું છે. ચૂંટણીમાં મુખ્ય મુકાબલો ભાજપ, AAP અને કોંગ્રેસ વચ્ચે ત્રિકોણીય મુકાબલો છે. દરમિયાન, દિલ્હી પ્રદેશ કોંગ્રેસ અધ્યક્ષ અનિલ ચૌધરી પોતાનો મત આપવા માટે દલ્લુપુરાના એક મતદાન કેન્દ્ર પર પહોંચ્યા. પરંતુ તેઓ મતદાન કરી શક્યા નથી. દિલ્હી કોંગ્રેસના અધ્યક્ષ અનિલ ચૌધરીએ મીડિયા સાથે વાત કરતા કહ્યું કે, મારું નામ ન તો મતદાર યાદીમાં છે કે ન તો કાઢી નાખવામાં આવેલી યાદીમાં. મારી પત્નીએ અત્યારે માત્ર પોતાનો મત આપ્યો છે.હજુ સુધી ન તો મને યાદી વિશે કહેવામાં આવી રહ્યું છે કે ન તો મારું નામ દેખાઈ રહ્યું છે.

કોંગ્રેસ અધ્યક્ષ અનિલ ચૌધરીએ કહ્યું, "હું હાલમાં ઔપચારિક માહિતીની રાહ જોઈ રહ્યો છું. મતદાર યાદીમાં મારું નામ કેમ નથી તે અંગે અધિકારીઓ તપાસ કરી રહ્યા છે. 250 વોર્ડ માટે સવારે 8 વાગ્યાથી મતદાન ચાલી રહ્યું છે અને સાંજે 5:30 વાગ્યે પૂર્ણ થવાનું છે. મતગણતરી 7 ડિસેમ્બરે થશે. નગરપાલિકાની ચૂંટણીમાં 1.45 કરોડથી વધુ લોકો તેમના મતાધિકારનો ઉપયોગ કરશે. દિલ્હીમાં MCD ચૂંટણી માટે 1,349 ઉમેદવારો મેદાનમાં છે. જો કે આ ચૂંટણીમાં સીધો મુકાબલો ભાજપ અને AAP વચ્ચે છે.

"My name is neither in the voter list nor in the deleted list. My wife has voted. Officials are checking it," says Delhi Congress president Anil Chaudhary who arrived at a polling booth in Dallupura to cast his vote for #DelhiMCDElections pic.twitter.com/cHWtjYin5f

— ANI (@ANI) December 4, 2022

AAP અને BJPએ દિલ્હીમાં જોરદાર પ્રચાર કર્યો છે. રાજ્ય ચૂંટણી પંચના અધિકારીઓ દ્વારા શેર કરવામાં આવેલા ડેટા મુજબ, દિલ્હીમાં કુલ મતદારોની સંખ્યા 1,45,05,358 છે જેમાં 78,93,418 પુરૂષો, 66,10,879 મહિલાઓ અને 1,061 ટ્રાન્સજેન્ડર વ્યક્તિઓનો સમાવેશ થાય છે. દિલ્હી મ્યુનિસિપલ કોર્પોરેશનમાં 250 વોર્ડ છે. દિલ્હી રાજ્ય ચૂંટણી પંચે ચૂંટણી માટે 13,638 મતદાન મથકો બનાવાયા છે.

English summary

Delhi MCD Election 2022: My name is not in the voter list, claims the Congress president