દિલ્હી મેટ્રોમાં ફરી બબાલ, બે મહિલાઓની લડાઈનો વીડિયો વાયરલ

દિલ્હી મેટ્રો આ દિવસોમાં વિવાદોનું બીજુ નામ બની ગઈ છે. એક પછી એત વીડિયો સામે આવી રહ્યા છે ત્યારે હવે વધુ એક વિવાદાસ્પદ વીડિયો સામે આવ્યો છે. હવે બે મહિલાઓની મારામારીનો વીડિયો સોશિયલ મીડિયા પર વાયરલ થઈ રહ્યો છે.

દિલ્હી મેટ્રોના આ વીડિયોમાં જોઈ શકાય છે કે બે મહિલાઓ વચ્ચે ઉગ્ર દલીલ થઈ રહી છે. આ દલીલ બાદ મામલો બિચકે છે અને બન્ને મહિલાઓ વચ્ચે મારામારી શરૂ થઈ જાય છે. બ્લેક સલવાર સૂટ પહેરેલી એક મહિલા પીળા સલવાર સૂટમાં અન્ય મહિલા સાથે ઝપાઝપી કરતી જોઈ શકાય છે.

ટ્વિટર પર આ વીડિયો અપલોડ કરાયા બાદ તે સતત સોશિયલ મીડિયા પર વાયરલ થઈ રહ્યો છે. આ વીડિયોના કેપ્શનમાં લખ્યુ છે કે, દિલ્હી મેટ્રોમાં બે મહિલાઓની અથડામણ. વીડિયોમાં પોલીસ મામલો થાળે પાડવાનો પ્રયાસ કરતી જોવા મળી રહી છે.

વીડિયોમાં જોઈ શકાય છે કે પોલીસરકર્મીઓ ઝઘડો કરી રહેલી બે મહિલાઓને અલગ કરવાનો પ્રયાસ કરી રહી છે. એક મહિલા બીજી મહિલાને ચેતવણી આપતી સંભળાય છે. તે કહી રહી છે કે હું જજની પુત્રી છું અને તને નહીં છોડું. અહીં હાજર અન્ય મુસાફરો લડાઈ રોકવાના પ્રયાસ કરી રહ્યા છે છત્તા પણ બન્ને મહિલાઓ અટકવાનું નામ નથી લઈ રહી. બન્ને મારામારી કરતી રહી.

Kalesh inside delhi metro b/w Two woman, a lady cop interfere 🫡 pic.twitter.com/zlQ7gUyZ2F

— Ghar Ke Kalesh (@gharkekalesh) September 2, 2023

આ વીડિયો વાયરલ થયા બાદ સોશિયલ મીડિયા કોમેન્ટનો વરસાદ થયો છે. એક મહિલા તેના પિતાના નામે દાદાગીરી કરતા લોકો તેની ટીકા કરી રહ્યા છે. એક યુઝરે લખ્યું કે, દિલ્હી મેટ્રોમાં લોકો આટલા ગુસ્સામાં કેમ છે? અન્ય એકે લખ્યું કે, હું જજની દીકરી છું, તો શું? કાશ આ મહિલા પણ શાંતિથી મામલો સંભાળતા શીખી ગઈ હોત.

English summary

Delhi Metro again in controversy, video of fight between two women goes viral