Delhi New CM : દિલ્હીમાં સીએમને લઈને કોકડુ ગુચવાયુ? કેમ રદ થઈ 17 ફેબ્રુઆરીની ધારાસભ્યોની બેઠક?
Delhi New CM : દિલ્હીમાં વિધાનસભા ચૂંટણી જીત્યાને એક અઠવાડીયાથી વધુનો સમય વિતી જવા છત્તા હજુ પણ નવી સરકાર બની નથી. બીજેપી સતત સીએમ પદને લઈને ચિંતન કરી રહી છે.
દિલ્લીમાં નવા મુખ્યમંત્રીના નામને લઈને ભાજપના વિધાનમંડળ દળની બેઠક 17 ફેબ્રુઆરીએ યોજાવાની હતી. જો કે હવે આ બેઠકને સ્થગિત કરીને 19 ફેબ્રુઆરીએ યોજવામાં આવશે.
આ સિવાય મુખ્યમંત્રી પદની શપથવિધિની તારીખ પણ 18 ફેબ્રુઆરીથી બદલીને 20 ફેબ્રુઆરી કરી દેવામાં આવી છે. દિલ્લીમાં મુખ્યમંત્રી પદને લઈને ભાજપના ટોચના નેતૃત્વની બેઠકો સતત યોજાઈ રહી છે.
સૂત્રો અનુસાર, પાર્ટીએ કુશળ અને અનુભવી નેતૃત્વના પસંદગી માટે સંપૂર્ણ સાવધાની રાખી છે. દિલ્લીમાં ભાજપના મજબૂત આધારે ધ્યાનમાં રાખીને એક એવા ચહેરાને મુખ્યમંત્રી તરીકે પસંદ કરવામાં આવે એવી શક્યતા છે જે સંગઠન અને પ્રશાસન બંનેમાં પારંગત હોય.
ભાજપના આ નિર્ણયો પર દેશભરમાં નજર છે, કેમ કે દિલ્લીનું નેતૃત્વ આગામી ચૂંટણીઓ અને પાર્ટી માટે મહત્ત્વનું સાબિત થઈ શકે છે.
જણાવી દઈએ કે, દિલ્હીમાં બીજેપીએ આમ આદમી પાર્ટીને હરાવીને સત્તા પર કબ્જો કર્યો છે. દિલ્હી વિધાનસભા ચૂંટણીમાં બીજેપીએ 48 બેઠકો જીતી છે તો આમ આદમી પાર્ટી અહીં માત્ર 22 બેઠકો જ જીતી શકી છે.
Click it and Unblock the Notifications
Sign in with Google
