કેજરીવાલે આજે બોલાવી ધારાસભ્યોની બેઠક, ભાજપ પર સરકાર પાડવાનુ ષડયંત્ર રચવાનો આરોપ
હવે AAP એ દાવો કર્યો છે કે ભાજપ દિલ્લીમાં તેમની સરકારને તોડી પાડવા માંગે છે, જેના કારણે તે ધારાસભ્યોને સતત ઑફર કરી રહી છે.
નવી દિલ્લીઃ જ્યારથી CBIએ દિલ્લીના ડેપ્યુટી સીએમ મનીષ સિસોદિયાના ઘરે દરોડા પાડ્યા છે ત્યારથી આમ આદમી પાર્ટી ભાજપ પર નવા-નવા આરોપો લગાવી રહી છે. હવે AAP એ દાવો કર્યો છે કે ભાજપ દિલ્લીમાં તેમની સરકારને તોડી પાડવા માંગે છે, જેના કારણે તે ધારાસભ્યોને સતત ઑફર કરી રહી છે. મામલાની ગંભીરતાને જોતા મુખ્યમંત્રી અરવિંદ કેજરીવાલ આજે તેમની પાર્ટીના ધારાસભ્યોને મળશે. જ્યારે કેટલાક મીડિયા અહેવાલોમાં દાવો કરવામાં આવ્યો છે કે AAPના ઘણા ધારાસભ્યો સંપર્કની બહાર છે, પાર્ટીએ હજુ સુધી આ અંગે કોઈ સત્તાવાર નિવેદન આપ્યુ નથી.
વાસ્તવમાં, AAP સતત આરોપ લગાવી રહી છે કે ભાજપ તેમના ધારાસભ્યોને ખરીદવાની ઑફર કરી રહી છે. કેટલાક ધારાસભ્યોને 20-20 કરોડની ઑફર મળી રહી છે. આને ધ્યાનમાં રાખીને બુધવારે કેજરીવાલના ઘરે AAP પીએસીની બેઠક યોજાઈ હતી. જેમાં નવા રાજકીય વિકાસની ચર્ચા કરવામાં આવી હતી. બેઠકમાં એવી પણ માગણી કરવામાં આવી હતી કે ભાજપે વિવિધ રાજ્યોમાં અન્ય પક્ષોની સરકારોને તોડી પાડવા માટે જે ભંડોળનો ખર્ચ કર્યો છે તેના સ્ત્રોતો જાહેર કરવા જોઈએ. આ બેઠક બાદ હવે ધારાસભ્યોની બેઠક યોજાશે.
40 ધારાસભ્યોને તોડવાનો આરોપ
આ મામલે આમ આદમી પાર્ટીના ધારાસભ્ય દિલીપ પાંડેએ કહ્યું કે તમામ ધારાસભ્યોનો સંપર્ક કરવામાં આવી રહ્યો છે. બુધવારે બધાને સંદેશા મોકલવામાં આવ્યા હતા પરંતુ કેટલાક ધારાસભ્યોનો સંપર્ક થઈ શક્યો ન હતો. તેમનો સંપર્ક કરવાના પ્રયાસો ચાલુ છે અને તમામ ધારાસભ્યો બેઠકમાં હાજર છે. પાંડેએ આરોપ લગાવ્યો કે ભાજપ AAPના 40 ધારાસભ્યોને તોડવાનો પ્રયાસ કરી રહી છે.
Click it and Unblock the Notifications
Sign in with Google
