પોલીસ ઊંઘતી રહી અને ગાડીઓમાંથી ચોરાઇ ગયું ડીઝલ

હાલ પોલીસ જ ગુનાહિત પ્રવૃતીનો ભોગ બની રહી છે. ભીંડ પોલીસની ઘોર બેદરકારી સામે આવી છે. ઉલ્લેખનીય છે કે, પોલીસના આ વાહનો વાહન સુરક્ષા નિરીક્ષક કચેરીના સામે પાર્ક કરેલા હતા. ચોરોએ પોલીસને માત આપીને અડધો ડઝન વાહનોના ડીઝલ ચોરી કરી લીધું હતું. પોતાના જ વાહનનોના ડીઝલ ચોરી કરીવાની ફરિયાદ પોલીસે સિટી પોલીસ સ્ટેશનમાં નોંધાવી છે.

સુરક્ષિત નિરીક્ષકની ઓફિસની બહારથી ચોરી

રિઝર્વ ઈન્સ્પેક્ટરની ઓફિસ બહાર પોલીસના છ વાહનો પાર્ક કરવામાં આવ્યા હતા. આ વાહનો 29 નવેમ્બરે સાંજે પોતાના ડીઝલના ગેજની માપણી કર્યા બાદ પાર્ક કરવામાં આવ્યા હતા, પરંતુ 30 નવેમ્બરના રોજ સવારે જ્યારે આ વાહનોના ડીઝલની માપણી કરવામાં આવી, ત્યારે ડીઝલ ઓછું હોવાનું જણાયું હતું.

250 લીટર ડીઝલની ચોરી થઇ

તમામ 6 વાહનોના ડીઝલના ગેજને માપવા પર જાણવા મળ્યું કે, તમામ 6 વાહનોમાં કુલ 250 લીટર ડીઝલનો ઘટાડો થયો છે. આ માહિતી રિઝર્વ ઈન્સ્પેક્ટર રજની ગુર્જરને આપવામાં આવી હતી. ડીઝલ ચોરીની વાત સાંભળીને રિઝર્વ ઈન્સ્પેક્ટર પણ આશ્ચર્યચકિત થઈ ગયા હતા.

સિટી પોલીસમાં નોંધાવી ફરિયાદ

જ્યારે ડીઝલ ચોરીની ઘટના સામે આવી, ત્યારે સિટી પોલીસ સ્ટેશનમાં આ માહિતી આપવામાં આવી હતી, ત્યારબાદ સિટી પોલીસ સ્ટેશનમાં અજાણ્યા ચોરો વિરુદ્ધ એફઆઈઆર નોંધીને સમગ્ર ઘટનાની તપાસ શરૂ કરી હતી.

પોલીસ ઊંઘતી રહી અને ગાડીઓમાંથી ચોરાઇ ગયું ડીઝલ

રિઝર્વ ઈન્સ્પેક્ટરની ઓફિસ ખૂબ જ સુરક્ષિત જગ્યા રહે છે. અહીં પોલીસનો પણ બંદોબસ્ત છે, છતાં ચોરોએ પોલીસના જ વાહનોમાંથી ડીઝલની ચોરી કરી છે. આના પરથી અંદાજ લગાવી શકાય છે કે ભિંડ પોલીસ સુરક્ષાને લઈને કેટલી તૈયાર છે.

English summary

Diesel stolen from Bhind police vehicles