દિગ્વિજય સિંહે ગુજરાતના વિકાસ મોડેલની ટીકા કરી
નવી દિલ્હી, 18 ઓક્ટોબર : કોંગ્રેસના મહાસચિવ દિગ્વિજય સિંહે શુક્રવારે ભારતીય જનતા પાર્ટીના પીએમ પદના ઉમેદવાર નરેન્દ્ર મોદી દ્વારા કરવામાં આવી રહેલા ગુજરાત રાજ્યના વિકાસ મોડેલની ટીકા કરતા જણાવ્યું છે કે આ રાજ્યમાં માથાદીઠ દેવું દેશમાં સૌથી વધારે છે.
દિગ્વિજય સિંહે જણાવ્યું કે ગુજરાત સરકાર પર માથાદીઠ દેવાનો ભાર સૌથી વધારે છે. તેનો અર્થ એ છે કે અહીંની જનતા પર અન્ય રાજ્યોની જનતાની સરખામણીએ દેવાનો ભાર વધારે છે. જો મોદી વાસ્તવમાં રાજ્યના સેવક હોય તો આ બાબતનો જવાબ આપે. આ સાથે તેમણે એમ પણ જણાવ્યું કે તેઓ વધારે ગાળો સાથે આગળ આવશે. તેમાં તેમનો કોઇ પ્રશ્ન નથી. ગુજરાતના વિકાસ મોડેલને લોકોની સામે લાવવું જરૂરી છે.
આ પ્રસંગે દિગ્વિજય સિંહે આયોજન પંચના અહેવાલના હવાલાથી આ બાબત કહી હતી. જેમાં ગુજરાત પર દેવાનો ભાર જીડીપીના 25.20 ટકા હોવાની વાત કહેવામાં આવી છે. જે અન્ય રાજ્યોની સરેરાશ 24.13 ટકાની સરખામણીએ વધારે છે.