કિશોરકુમારના બંગલા માટે પુત્ર અને ભત્રીજામાં વિવાદ, 14 કરોડમાં થઈ ડીલ

મધ્યપ્રદેશના ખંડવામાં બોમ્બે બજાર સ્થિત કિશોર કુમારના જૂના બંગલા પર તેમના ભત્રીજા અને પુત્રોએ પોતપોતાનો હક જતાવ્યો છે.

Published: Thursday, August 2, 2018, 17:06 [IST]

ચાર ઓગસ્ટે જાણીતા ગાયક કિશોર કુમારનો જન્મદિવસ છે. મધ્યપ્રદેશના ખંડવા જિલ્લામાં જન્મેલા ગાયક કિશોર કુમારના બંગલાને સેંકડો લોકો જોવા આવે છે. પરંતુ હવે આ બંગલા માટે પરિવારમાં વિવાદ થઈ ગયો છે. ખંડવામાં બોમ્બે બજાર સ્થિત જૂના બંગલા પર તેમના ભત્રીજા અને પુત્રોએ પોતપોતાનો હક જતાવ્યો છે. ભત્રીજા અર્જૂને આ બંગલાને વેચવા માટે વાંધો દર્શાવ્યો છે. કિશોર કુમારના ભત્રીજા અને અનુપકુમારના પુત્ર અર્જૂન કુમારે દાવો કર્યો છે કે આ બંગલો તેમની સંપત્તિ છે અને તેને વેચવાનો હક માત્ર તેમનો છે.

ભત્રીજાનો દાવો પ્રોપર્ટી મારા નામે છે

સ્થાનિક વર્તમાનપત્રમાં છપાયેલ સમાચાર મુજબ અર્જૂનનું કહેવુ છે કે આ સંપત્તિના દસ્તાવેજ મારા નામે છે. નગરનિગમ અને નજૂલમાં ટેક્સ હું ભરુ છુ. સુમિત કુમાર આ સંપત્તિનો દાવો કેવી રીતે કરી શકે છે. સંપત્તિ વેચાયાના સમાચાર પર તેમણે કહ્યુ કે ખંડવાના વેપારી અભય જૈન આ અંગે ખોટી કહાનીઓ ફેલાવી રહ્યા છે. અર્જૂન કુમારે એ પણ કહ્યુ કે બંગલાની સીમામાં જેટલા પણ દુકાનદાર છે તે બધા મારી સાથે છે. સંપત્તિને હું જ વેચીશ.

14 કરોડમાં થઈ બંગલાની ડીલ

બીજી તરફ બંગલો ખરીદનાર અભય જૈનનો દાવો છે કે તેમણે આ બંગલો ખરીદવા માટે સુમિત કુમારને 11 લાખ રૂપિયા એડવાન્સ આપ્યા છે. અભય જૈને જણાવ્યુ કે તેમણે સુમિત કુમાર પાસેથી આ બંગલો 14 કરોડ રૂપિયામાં ખરીદ્યો છે. જેના ટોકન રૂપે તેમણે 11 લાખ રૂપિયાનો ચેક આપ્યો છે. વેપારી અભય જૈન આ સોદા અંગે ટૂંક સમયમાં મુંબઈમાં કિશોર કુમારના પુત્રો સાથે મુલાકાત કરવાના છે.

કિશોર કુમારનો બંગલો 100 વર્ષ જૂનો

અર્જૂન કુમારે આરોપ લગાવ્યો છે કે કિશોર પ્રેરણા મંચના સભ્યો મને આ સંપત્તિ વેચવા નથી દેતા. હું આ બંગલાને વેચવા નથી ઈચ્છતો. પરંતુ હાલમાં આર્થિક રીતે હું ઘણો મુશ્કેલીમાં છુ માટે મારી પાસે આને વેચવા સિવાય કોઈ વિકલ્પ નથી. પરંતુ આ લોકો મારી સંપત્તિ વેચવાથી મને રોકવાનો પ્રયાસ કરી રહ્યા છે. તમને જણાવી દઈએ કે આ બંગલામાં કિશોર કિમારનો જન્મ થયો હતો. હાલમાં આ બંગલો ઘણી જર્જરિત હાલતમાં છે. ખંડવા સ્થિત કિશોર કુમારનો આ બંગલો 100 વર્ષ જૂનો છે.

Published On August 2, 2018