ભૂલથી પણ *401* ડાયલ ના કરશો, એક કોડથી ખાલી થઇ જશે બેંક ખાતું

21મી સદીમાં હરણફાળ ગતિએ ટેક્નોલોજી આગળ વધી રહી છે, પરંતુ તેની સાથે જ કૌભાંડીઓની તરકીબો પણ ડાયનોસોર ગતિએ આગળ વધી રહી છે. સવાર પડતાની સાથે જ તમે કોઈને કોઈ નવા કૌભાંડની વાત સાંભળતા જ હશો, પછી તે બેંક એકાઉન્ટમાંથી પૈસા ઉઠાંતરીનું હોય, 21 દિવસમાં પૈસા ડબલની સ્કીમ હોય કે પછી રાતોરાત કરોડપતિ બનાવી દેતી સ્કીમ હોય. આવું જ એક કૌભાંડ સામે આવ્યું છે જેનાથી તમારું બેંક અકાઉન્ટ તો ખાલી થઇ જ જશે સાથે જ તમારી પ્રાઇવસી પણ ખતરામાં પડી શકે છે.

જી હાં, કોલ ફોર્વર્ડિંગ સ્કેમ અત્યારે તેજ ગતિએ ચાલી રહ્યું છે, અને ઘણા નિર્દોષ નાગરિકો આ સ્કેમના શિકાર પણ થઇ રહ્યા છે. કોઈને કોઈ યુક્તિ અપનાવી સ્કેમર્સ તમારા મારફતે જ તમારો મોબાઈલ હેક કરાવી લે છે.

અત્યારે સોશિયલ મીડિયા પર એક વીડિયો વાયરલ થઇ રહ્યો છે. જેમાં ડિલિવરી બોયને ઘર મળી રહ્યું ન હોવાના કારણે તમારા મોબાઈલમાંથી *401* ડાયલ કર્યા બાદ ડિલિવરી એજન્ટનો નંબર દાખલ કરવા કહે છે. કૌભાંડીઓનો આ એક હથકંડો છે તમારા મોબાઈલમાં ઘૂસવાનો. સ્કેમર્સ આ કોડની મદદથી તમારા ફોન પોતાના નંબર પર ફોર્વર્ડ કરાવી લે છે. જે બાદ તમારા નંબર પર આવતા OTP કોલ ફોર્વર્ડિંગના કારણે સ્કેમર્સને મળતા શરૂ થઇ જાય છે.

This news item has appeared in India Today as well..

MUST WATCH & Share Max for welfare of all .

Extreme CAUTION ⚠️ 😳 pic.twitter.com/biPFBpIY1v

— AstroCounselKK🇮🇳 (@AstroCounselKK) October 31, 2023

જો તમે *401* લખી તેની પાછળ જે કોઈનો પણ મોબાઈલ નંબર લખો તેના મોબાઈલમાં તમારા બધા જ કોલ ફોર્વર્ડ થતા શરૂ થઇ જાય. આ કોલ ફોર્વર્ડિંગનું મોટું સ્કેમ છે. જેથી સાવચેત રહેવું અને આવા કૌભાંડીઓના શિકાર થતા બચવું. જો કોઈ તમને ડિલિવરી એજન્ટ, પિત્ઝા ડિલિવરી બોય, મેકેનિક, પ્લમ્બર કે કોઈનું પણ બહાનું કરી ફોન કરે અને આ પ્રક્રિયા કરવા કહે તો સ્પષ્ટ ના કહી દેશો જેથી તમારી પ્રાઇવસી પર ખતરો ના આવે અને તમારી પૂંજી પણ સુરક્ષિત રહે.

English summary

Do not dial *401* one code will empty your bank account