Earthquake In Delhi: દિલ્લીમાં ફરીથી ભૂકંપના ઝટકા, સવારે 5 વાગે 2.3ની તીવ્રતાથી ધરતી હલી
દિલ્લીના નાંગલોઈમાં સવારે 5 વાગીને 2 મિનિટે ભૂકંપના ઝટકા અનુભવાયા છે.
Earthquake in Delhi: કોરોના અને ઠંડીની માર સહન કરી રહેલા દિલ્લી માટે શુક્રવારની સવાર ઘણી ભયભીત કરનારી રહી કારણકે અહીં નાંગલોઈમાં સવારે 5 વાગીને 2 મિનિટે ભૂકંપના ઝટકા અનુભવાયા છે. નેશનલ સેન્ટર ફૉર સિસ્મોલૉજીના જણાવ્યા અનુસાર રિક્ટર સ્કેલ પર આની તીવ્રતા 2.3 માપવામાં આવી છે. હાલમાં અહીં કોઈ પણ પ્રકારના જાન-માલના નુકશાનના સમાચાર સામે આવ્યા નથી. તમને જણાવી દઈએ કે હમણાં આઠ દિવસ પહેલા એટલે કે 17 ડિસેમ્બરે પણ દિલ્લી-એનસીરમાં ભૂકંપના ઝટકા અનુભવાયા હતા. ત્યારે રિક્ટર સ્કેલ પર ભૂકંપની તીવ્રતા 4.2 હતી પરંતુ એ વખતે પણ કોઈ જાન-માલનુ નુકશાન થયુ નહોતુ.
દિલ્લીમાં ફરીથી અનુભવાયા ભૂકંપના ઝટકા
જણાવવામાં આવી રહ્યુ છે કે દિલ્લી-એનસીઆરમાં ધરતીની અંદર પ્લેટોના સક્રિય થવાથી ઉર્જા નીકળી રહી છે. જેના કારણે રહી-રહીને ઝટકા અનુભવાઈ રહ્યા છે. તમને જણાવી દઈએ કે એક તરફ દિલ્લી ભૂકંપના ઝટકાથી કાંપી ત્યારે બીજી તરફ ફિલીપીન્સમાં પણ આજે સવારે 5 વાગીને 13 મિનિટે ભૂકંપના ઝટકા અનુભવાયા છે. ત્યાં રિક્ટર સ્કેલ પર તીવ્રતા 6.2 માપવામાં આવી છે.
આ વાતોનુ રાખો ધ્યાન
- છત અને પાયાના પ્લાસ્ટરમાં પડેલી તિરાડોનુ સમારકામ કરાવો. જો કોઈ સંરચનાત્મક કમીના સંકેત હોય તો વિશેષજ્ઞની સલાહ લો.
- સીલિંગમાં ઉપર(ઓવરહેડ) લાઈટિંગ ફિક્સર્ચ(ઝૂમર વગેરે)ને યોગ્ય રીતે લટકાવો. ભવન નિર્માણ માનકો માટે પાકા વિસ્તારમાં પ્રાસંગિક બીઆઈએસ સંહિતાઓનુ પાલન કરો.
- દિવાલો પર લાગેલા શેલ્ફને સાવચેતીથી ફીટ કરો. નીચેના શેલ્ફમાં મોટી અથવા ભારે વસ્તુઓ રાખો. ભારે વસ્તુઓને ઉપર ન રાખવી.
- સાંકળવાળા લાકડાના નીચેના બંધ કેબિનેટમાં એવો સામાન રાખો જે સરળતાથી તૂટી શકે છે જેવો કે ચાઈના માટીના વાસણો વગેરે.
ઈમરજન્સી નંબરોને જરૂર પોતાની પાસે રાખો
- ઘરની અંદર અને બહાર સુરક્ષિત સ્થળો શોધી રાખો. જો ભૂકંપ આવે તો તમે સીધા એ સ્થળ પર જાવ. અમુક સુરક્ષિત સ્થળ - મજબૂત જમવાનુ ટેબલ, બેડની નીચેનો ભાગ, કોઈ અંદરની દિવાલ સાથે.
- એ જગ્યાઓથી દૂર રહો જ્યાં બારી, કાચ, ફોટાથી કાચ પડીને તૂટી શકે છે અથવા જ્યાં પુસ્તકોના ભારે શેલ્ફ અથવા ભારે ફર્નિચર નીચે પડી શકે છે.
- ખુલ્લા ભાગમાં બિલ્ડિંગ, વૃક્ષો, ટેલીફોન, વિજળીની લાઈનો, ફ્લાઈઓવરો કે પુલોથી દૂર રહો.
- ઈમરજન્સી ટેલીફોન નંબરોને જરૂર પોતાના મોબાઈલમાં સેવ રાખો (જેવા કે ડૉક્ટર, હોસ્પિટલ, પોલિસ વગેરે) સ્વયં તથા પરિવારના સભ્યોને ભૂકંપ વિશે માહિતી આપો.