ભૂંકપના આંચકાઓથી કંપી ઉઠ્યું ભારત-પાકિસ્તાન

નવી દિલ્હી, 24 એપ્રિલઃ અફઘાનિસ્તાન, પાકિસ્તાન સહિત ઉત્તર ભારતના મોટા હિસ્સામાં ભૂંકપના આંચકાઓ આવ્યા હોવાના અહેવાલ છે. બુધવારે બપોરે 2.55 વાગ્યે આવેલા આ ભૂંકપની તીવ્રતા રિક્ટર સ્કેલ પર 5.7 માપવામાં આવી છે. ભૂંકપનું કેન્દ્ર અફઘાનિસ્તાનમાં હોવાનું જણાવવામાં આવી રહ્યું છે. અત્યારસુધી કોઇ જાનમાલના નુક્સાન અંગેની માહિતી બહાર આવી નથી.

એકાદ અઠવાડિયા પહેલા જ ઇરાન, પાકિસ્તાન, અફઘાનિસ્તાન સહિત આખા ઉત્તર ભારતમાં આવેલા ભૂંકપના આંચકામાંથી લોકો હજુ બહાર નથી આવ્યા ત્યાં ફરી એકવાર બુધવારે બપોરે ભૂંકપ આવતા લોકોમાં દહેશતની લાગણી ફેલાઇ ગઇ છે. આ ભૂંકપનું કેન્દ્ર અફઘાનિસ્તાનના હિન્દુકુશ વિસ્તારમાં હતું. ભૂંકપની તીવ્રતા 5.7 માપવામાં આવી હતી. અફઘાનિસ્તાનના જલાલાબાદ તથા કાબુલમાં અને પાકિસ્તાનના પેશાવરમાં ભારે આંચકા અનુભવવામાં આવ્યા છે.

અફઘાનિસ્તાન ઉપરાંત ભારતના જમ્મૂ કાશ્મિર, પૂંછ અને નોઇડામાં પણ હળવા ભૂંકપના આંચકા અનુભવાયા છે. અત્યારસુધી જાનમાલના નુક્સાનના કોઇ ખબર નથી. ભૂંકપનું કેન્દ્ર ધરતીથી 65 કિમી નીચે હતું.

English summary

5.7 richter scale earthquake in India, pakistan, afghanistan.