ચૂંટણી પંચે શરૂ કરી લોકસભા ચૂંટણી 2014ની તૈયારી

નવી દિલ્હી, 31 મે : આ વર્ષના અંતમાં નવેમ્‍બર ડિસેમ્‍બર મહિનામાં અનેક રાજયોમાં વિધાનસભાની ચૂંટણી યોજાવાની છે. આ ચૂંટણીઓની સાથે ચૂંટણી પંચે લોકસભા ચૂંટણી 2014ની તૈયારીઓ પણ શરૂ કરી દીધી છે. તૈયારીઓ હેઠળ ચૂંટણી પંચ લગભગ નવા 4 લાખ ઇવીએમ ખરીદવા જઇ રહ્યું છે. આ માટે સરકાર તરફથી લીલીઝંડી મળી ગઇ છે. આ મશીન ખરીદવા માટે રૂપિયા 300 કરોડ ખર્ચ થશે.

આ અંગે સુત્રોના જણાવ્‍યા પ્રમાણે 3.82 લાખ મતદાન યુનિટો અને અઢી લાખ સંચાલન યુનિટોની અછતને જોતા ચૂંટણી પંચે આ નિર્ણય લીધો છે. મતદાન મથકોની સંખ્‍યા વધારવા માટે નવા મશીનોની જરૂર હતી. આ જોતા સરકારે હાલમાં જ મશીનો ખરીદવા મંજુરી આપી છે.

ચૂંટણી પંચને કુલ 15.3 લાખ મતદાન યુનિટો અને 11.9 લાખ સંચાલન યુનિટોની જરૂર છે. એક ઇવીએમમાં એક સંચાલન યુનિટ અને એકથી વધુ મતદાન યુનિટ હોઇ શકે છે. ઉલ્લેખનીય છે કે 16 ઉમેદવારોથી વધુ ઉમેદવારોવાળા ચૂંટણી ક્ષેત્રમાં સંચાલન યુનિટની સાથે બે મતદાન યુનિટ જોડવામાં આવે છે.

English summary

Election Commission has started preparation for Lok Sabha election 2014.