ED Raid : લોટરી કિંગ સેન્ટિયાગો માર્ટિન સાથે જોડાયેલી 457 કરોડની સંપતિ જપ્ત કરી, EDની કડક કાર્યવાહી
ED Raid : પ્રવર્તન નિદેશાલય (ED) દ્વારા લોટરી કિંગ સેન્ટિયાગો માર્ટિન સામે મની લોન્ડરિંગ મામલે 457 કરોડ રૂપિયાની સંપતિ જપ્ત કરવામાં આવી છે. સેન્ટિયાગો માર્ટિન પર કેરળમાં ગેરકાયદેસર રીતે લોટરી વેચીને સિક્કિમ સરકાર સાથે રૂપિયા 900 કરોડની છેતરપિંડી કરવાનો આરોપ છે.
એન્ફોર્સમેન્ટ ડિરેક્ટોરેટ દ્વારા સોમવાના રોજ આ અંગે માહિતી આપવામાં આવી હતી. એજન્સીએ માર્ટિન અને તેના પરિવારના સભ્યો વિરુદ્ધ કોઈમ્બતુર અને ચેન્નાઈમાં સર્ચ હાથ ધરવામાં આવ્યું હતું.
આ સર્ચ દરમિયાન કોઈમ્બતુરમાં 'ફ્યુચર ગેમિંગ સોલ્યુશન્સ ઈન્ડિયા પ્રાઈવેટ લિમિટેડ' નામની કંપનીના સત્તાવાર પરિસરમાં 11 અને 12 મેના રોજ પણ રેડ કરવામાં આવી હતી. ફ્યુચર ગેમિંગ સોલ્યુશન્સ ઈન્ડિયા પ્રાઈવેટ લિમિટેડ સિક્કિમ લોટરીઝની મુખ્ય વિતરક છે અને એન્ફોર્સમેન્ટ ડિરેક્ટોરેટ (ED) 2019 થી તેના ઓપરેટર માર્ટિનની તપાસ કરી રહી છે.
માર્ટિન તમિલનાડુમાં લોટરી કિંગ તરીકે ઓળખાય છે. મની લોન્ડરિંગ કેસ કેરળમાં સિક્કિમ સરકાર દ્વારા લોટરીના વેચાણને લગતા કથિત અપરાધો માટે માર્ટિન અને અન્યો સામે દાખલ કરવામાં આવેલી સીબીઆઈની ચાર્જશીટથી સંબંધિત છે.
એક નિવેદનમાં, EDએ આરોપ મૂક્યો છે કે, માર્ટિન અને તેની સહયોગી કંપનીઓ અને સંસ્થાઓએ 01 મે, 2009 થી 31 ઓગષ્ટ, 2010 દરમિયાન સિક્કિમ સરકારને ઇનામ વિજેતા ટિકિટોના દાવાઓ દ્વારા 910 કરોડ રૂપિયાનું નુકસાન પહોંચાડ્યું હતું.
Click it and Unblock the Notifications
Sign in with Google
