ગીઝાના પિરામિડ જોવા પહોંચ્યા પીએમ મોદી, જાણો વિશ્વની 7 અજાયબીઓમાં પ્રથમ નંબરે કેમ આવે છે?

Published: Sunday, June 25, 2023, 20:38 [IST]

ભારતના વડા પ્રધાન નરેન્દ્ર મોદી અમેરિકાની સત્તાવાર મુલાકાત બાદ હાલમાં ઇજિપ્તના પ્રવાસે છે. આ દરમિયાન પીએમ મોદી ઈજિપ્તના ઐતિહાસિક સ્થળો જોવા ગયા હતા. આ ક્રમમાં પીએમ મોદી ગીઝાના પ્રખ્યાત પિરામિડ જોવા ગયા હતા. આ દરમિયાન તેમની સાથે ઇજિપ્તનું પ્રતિનિધિમંડળ પણ હતું.

તમને જણાવી દઈએ કે ઇજિપ્તમાં 100 થી વધુ પિરામિડ છે. વિશ્વની સાત અજાયબીઓમાં પિરામિડનું નામ આવે છે. તે તમામ અજાયબીઓમાં સૌથી જૂનું છે.

ઉલ્લેખનિય છેકે આ પિરામિડ 2560 બીસીની આસપાસ બાંધવામાં આવ્યા હતા. ઇજિપ્તના પિરામિડ એવા સમયે બાંધવામાં આવ્યા હતા જ્યારે ઇજિપ્ત વિશ્વની સૌથી ધનિક અને સૌથી શક્તિશાળી સંસ્કૃતિઓમાંની એક હતી.

આ પિરામિડને જોઈને લોકો આશ્ચર્યચકિત થઈ જાય છે કે તે કેવી રીતે બનાવવામાં આવ્યા હતા. આવા વિશાળ અને ઉંચા પિરામિડ બનાવવા માટે લાખો પથ્થરોનો ઉપયોગ કરવામાં આવ્યો હતો.

આ પિરામિડ બનાવવા માટે 23 લાખ ગ્રેનાઈટ અને લાઈમસ્ટોનનો ઉપયોગ કરવામાં આવ્યો છે. તેમાં બે ટનથી લઈને 30 ટન સુધીના પત્થરો છે. લોકોને આશ્ચર્ય થાય છે કે તે સમયે અદ્યતન ટેક્નોલોજી વિના આટલા મોટા પથ્થરોને કેવી રીતે ઉપાડીને પિરામિડની ટોચ પર મૂકવામાં આવ્યા હશે.

આ પિરામિડ તત્કાલીન રાજાઓના મૃતદેહોને દફનાવવા માટે બનાવવામાં આવ્યા હતા. રાજાના ક્રિપ્ટમાં ન તો રાજાની મમી મળી છે કે ન તો રાણીના ક્રિપ્ટમાં રાણીની મમી જોવા મળી છે.

ઇજિપ્તમાં ઘણા પિરામિડ છે અને કૈરોના ઉપનગર ગીઝામાં ત્રણ પિરામિડ છે, પરંતુ પ્રાચીન વિશ્વની સાત અજાયબીઓની સૂચિમાં ફક્ત ગીઝાનો મહાન પિરામિડ છે.

આ પિરામિડમાં પત્થરોનો ઉપયોગ એ રીતે કરવામાં આવ્યો છે કે તેની અંદરનું તાપમાન હંમેશા સ્થિર રહે છે અને પૃથ્વીના સરેરાશ તાપમાન 20 ડિગ્રી સેલ્સિયસ જેટલું રહે છે. એટલું જ નહીં, પિરામિડમાં ફાઉન્ડેશનના ચાર ખૂણાના પત્થરોમાં બોલ અને સોકેટ્સ બનાવવામાં આવ્યા છે જેથી તે ગરમીના વિસ્તરણ અને ભૂકંપથી સુરક્ષિત રહે.

Published On June 25, 2023