કપિલ મિશ્રાના ‘ભારત વિ પાકિસ્તાન' ટ્ટવિટ પર ECએ લીધી એક્શન, ચૂંટણી પ્રચાર અટકાવ્યો

ભારત વિરુદ્ધ પાકિસ્તાન વિશે કરાયેલ કપિલ મિશ્રાના ટ્વિટ પર એક્શન લઈને ઈલેક્શન કમિશને તેમના ચૂંટણી પ્રચાર પર રોક લગાવી દીધી છે.

દિલ્લી વિધાનસભા ચૂંટણી માટે મતદાનની તારીખ નજીક આવી રહી છે. બધા પક્ષોના ઉમેદવારોમાં ચૂંટણી રેલીઓની હોડ લાગેલી છે. ચૂંટણીની ગરમી વચ્ચે મૉડલ ટાઉન સીટથી ભાજપ ઉમેદવાર કપિલ મિશ્રાને ચૂંટણી પંચથી મોટો ઝટકો લાગ્યો છે. ભારત વિરુદ્ધ પાકિસ્તાન વિશે કરાયેલ કપિલ મિશ્રાના ટ્વિટ પર એક્શન લઈને ઈલેક્શન કમિશને તેમના ચૂંટણી પ્રચાર પર રોક લગાવી દીધી છે.

તમને જણાવી દઈએ કે રાજધાની દિલ્લીની 70 વિધાનસભા સીટો પર ચૂંટણી માટે 8 ફેબ્રુઆરીના રોજ મતદાન થવાનુ છે. મતદાન પહેલા બધા રાજકીય પક્ષો રેલીઓ અને ચૂંટણી પ્રચારમાં પોતાની તાકાત લગાવી રહ્યા છે. આમ આદમી પાર્ટીથી અલગ થઈને ભાજપનો પાલવ પકડનાર કપિલ મિશ્રાએ થોડા દિવસ પહેલા એક ટ્વિટ કર્યુ હતુ જેના માટે હવે તેમને મુશ્કેલીનો સામનો કરવો પડી રહ્યો છે. ચૂંટણી પંચે તેમના 'ભારત વિરુદ્ધ પાક સ્પર્ધા 8 ફેબ્રુઆરી'ના ટ્વિટ પર કાર્યવાહી કરીને ભાજપ નેતાના શનિવારે સાંજે 5 વાગ્યાથી શરૂ થતા 48 કલાકના ચૂંટણી પ્રચાર પર રોક લગાવી દીધી છે.

#DelhiElections2020: The Election Commission, has banned BJP candidate Kapil Mishra from campaigning for 48 hours starting 5 pm today, for Mishra's 'India vs Pak contest on Feb 8' tweet (file pic) pic.twitter.com/WaHjdEUVAD

— ANI (@ANI) January 25, 2020

તમને જણાવી દઈએ કે ક્યારેક આમ આદમી પાર્ટીના સંયોજક અને દિલ્લીના સીએમ અરવિંદ કેજરીવાલના ખૂબ જ નજીક રહેલા કપિલ મિશ્રાએ કરાવલ નગરથી ગઈ ચૂંટણાં જીત મેળવી હતી. પરંતુ ત્યારબાદ રાજકારણ એવુ ગરમાયુ કે કપિલે અરવિંદ કેજરીવાલ સામે મોરચો ખોલી દીધો. ભાજપનો પાલવ પકડનાર કપિલ મિશ્રાને પાર્ટીએ મૉડલ ટાઉન વિધાનસભા સીટથી ઉમેદવાર બનાવ્યા છે.

English summary

Election Commission has banned BJP candidate Kapil Mishra Election campaigning