આજે 4 રાજ્યોમાં મતગણતરી : ગુજરાતમાં BJP આગળ

નવી દિલ્હી, 5 જૂન : દેશના ચાર રાજ્યોમાં લોકસભાની ચાર બેઠકો અને વિધાનસભાની પાંચ બેઠકો માટે યોજાયેલી પેટાચૂંટણીના પરિણામો આજે પાંચ જૂને જાહેર કરવામાં આવશે. ગુજરાતમાં ચાલી રહેલી મતગણતરીમાં તમામ બેઠકો પર ભાજપ આગળ હોવાના અહેવાલ પ્રાપ્ત થયા છે. લોકસભા ચૂંટણી 2014ને ધ્યાનમાં રાખીને આ પેટાચૂંટણીઓને ખૂબ મહત્વની માનવામાં આવી રહી છે.

પેટાચૂંટણીઓમાં પશ્ચિમ બંગાળની હાવડા લોકસભા બેઠક પર રવિવારે સર્વાધિક 66 ટકા મતદાતાઓએ પોતાના મતાધિકારનો ઉપયોગ કર્યો હતો. બિહારની મહારાજ ગંજ લોકસભા બેઠક પર 45 ટકા મતદાતાઓએ મતદાન કર્યું હતું. જ્યારે ગુજરાતમાં લોકસભા બેઠકો પોરબંદર અને બનાસકાંઠા તથા વિધાનસભાની ચાર બેઠકો માટે પેટાચૂંટણી યોજાઇ હતી.

આ ચૂંટણીમાં પોરબંદરમાં 30 ટકા અને બનાસકાંઠામાં 36 ટકા મતદાન નોંધાયું હતું. ભાજપ શાસિત રાજ્યમાં આ પેટાચૂંટણી કોંગ્રેસ માટે એક પડકાર સમાન માનવામાં આવે છે. આ તમામ સીટ અગાઉ કોંગ્રેસને નામે છે.

તમામ કેન્દ્રો પર સવારે 8 વાગે મતગણતરી શરૂ થઇ ગઇ છે. બપોર સુધીમાં તમામ બેઠકોના પરિણામો મળી જાય તેવી શક્યતા છે. આ પેટાચૂંટણી દરમિયાન ગુજરાતમાં નોંધાપાત્ર બાબત એ રહી કે મતદારોએ ખૂબ ઓછું મતદાન નોંધાવ્યું છે. આ મતદાન કોંગ્રેસની તરફેણમાં જશે કે ભાજપની એ બપોરે ખબર પડી જશે.

English summary

Elections results of four states will come today.