PNB Scam: દુબઈમાં નીરવ મોદીની 11 સંપત્તિઓ જપ્ત

દેશના સૌથી મોટા બેન્કિંગ ઘોટાળાનાં આરોપી નીરવ મોદી સામે મોટી કાર્યવાહી કરવામાં આવી છે. ઈડી ઘ્વારા દુબઈમાં નીરવ મોદીની 11 સંપત્તિઓ જપ્ત કરી લેવામાં આવી છે. ઈડી ઘ્વારા દુબઈમાં નીરવ મોદી અને તેના ફર્મની 56 કરોડની 11 સંપત્તિઓ જપ્ત કરી લેવામાં આવી છે. જયારે કોલકાતામાં મેહુલ ચોક્સીની કંપનીના એક મોટા અધિકારીની પણ ધરપકડ કરવામાં આવી છે. ઈડીએ મેહુલ ચોક્સીના સહયોગી દીપક કુલકર્ણીની કોલકત્તા એરપોર્ટ પર ધરપકડ કરી લીધી છે. કુલકર્ણી હોંગકોંગથી જ્યારે કોલકત્તા એરપોર્ટ પર પહોંચ્યો તો અહીં પહેલેથી જ ઈડીના અધિકારી હાજર હતા જેમણે કુલકર્ણીની અહીં ધરપકડ કરી લીધી છે.

ઈડી ઘ્વારા તેને મેહુલ ચોક્સી વિરુદ્ધ દાખલ કરવામાં આવેલા આરોપપત્રમાં આરોપી બનાવ્યો છે. આપને જણાવી દઈએ કે આ પહેલા ઈડી ઘ્વારા નીરવ મોદી અને તેના પરિવારની 637 કરોડની સંપત્તિઓ જપ્ત કરવામાં આવી છે. તેની આ સંપત્તિ ભારત સહિત ચાર અન્ય દેશોમાં સ્થિત છે. જ્યારે 17 ઓક્ટોબરે ઈડીએ પીએનબી ગોટાળામાં આરોપી નીરવ મોદી, મેહુલ ચોક્સી, મિહિર ભણશાળી અને અન્ય આરોપીઓની 218.46 કરોડ રૂપિયાની સંપત્તિ જપ્ત કરી લીધી હતી.

Enforcement Directorate attaches 11 properties in Dubai of Nirav Modi and his group Company Firestar Diamond FZE having a market value of US$ 7.795 million equivalent to Rs 56.8 Crore, under PMLA pic.twitter.com/9G5m6hfEMG

— ANI (@ANI) November 6, 2018

નીરવ મોદી અને તેના મામા મેહુલ ચોક્સીએ પંજાબ નેશનલ બેંકમાં 14 હજાર કરોડ રૂપિયાના ઘોટાળાને અંઝામ આપ્યો હતો. આ ઘોટાળા પછી બંને દેશ છોડીને ફરાર થયા હતા.

English summary

Enforcement Directorate attaches 11 properties in Dubai of Nirav Modi