Farmers Protest : ખેડૂતોનું દેશભરમાં રેલ રોકો આંદોલન, 4 કલાક રસ્તા પર ઉતરશે ખેડૂતો
કેન્દ્રની નરેન્દ્ર મોદી સરકારની ખેડૂત વિરોધી નીતિથી પરેશાન ખેડૂતો રસ્તા પર છે. એમએસપી સહિતની માંગ સાથે દિલ્હી તરફ કુચ બાદ હવે ખેડૂતોએ રેલ રોકો આંદોલનની જાહેરાત કરી છે.
આજે ખેડૂતોએ આજે દેશભરમાં રેલ રોકો આંદોલન કરવાનો નિર્ણય લીધો છે. 6 માર્ચે ફરી દિલ્હી તરફ કૂચ શરૂ કરનારા ખેડૂતો આજે 4 કલાક માટે દેશવ્યાપી રેલ રોકો આંદોલન કરશે.
રેલ રોકો આંદોલન આજે બપોરે 12 થી 4 વાગ્યા દરમિયાન થશે. દિલ્હી ચલો કૂચના થોડા દિવસો બાદ ખેડૂતોએ આ નિર્ણય લીધો છે. સંયુક્ત કિસાન મોરચા (બિન-રાજકીય) અને કિસાન મઝદૂર મોરચાએ કેન્દ્ર સરકાર પાસેથી એમએસપી સહિતની તેમની વિવિધ માંગણીઓ સાથે આંદોલન ચાલુ રાખવા માટે હાકલ કરી છે.
દેશવ્યાપી રેલ રોકો આંદોલનમાં હરિયાણા અને પંજાબમાં લગભગ 60 સ્થળોએ સેંકડો ખેડૂતો વિરોધ કરી શકે છે. આ સિવાય તે ટ્રેનોમાં પણ થોડી વિક્ષેપ પેદા કરી શકે છે.
કિસાન મજદૂર મોરચાના નેતા સર્વન સિંહ પંઢેરે શનિવારે જણાવ્યું કે રેલ રોકો આંદોલન દરમિયાન સેંકડો ખેડૂતો ફિરોઝપુર, અમૃતસર, રૂપનગર, ગુરદાસપુર જિલ્લા સહિત પંજાબમાં અનેક સ્થળોએ રેલવે ટ્રેક પર બેસીને વિરોધ જશે.
ભારતી કિસાન યુનિયન (એકતા ઉગરાહા), ભારતી કિસાન યુનિયન (ડકૌંડા-ધાનેર) અને ક્રાંતિકારી કિસાન યુનિયન એમ ત્રણ ખેડૂત સંગઠનો જે સંયુક્ત કિસાન મોરચાનો ભાગ છે, તેઓ પણ રેલ રોકો આંદોલનમાં ભાગ લેશે.
રેલ રોકો વિરોધને લઈને તમામ સરહદો પર સુરક્ષા કડક કરવામાં આવી છે. પોલીસે વિરોધ કરી રહેલા ખેડૂતોને ચેતવણી આપી છે.
હરિયાણામાં સત્તાવાળાઓએ મોટી બબાલ ટાળવા રવિવારે અંબાલા જિલ્લામાં કલમ 144 લાગુ કરી છે. રાજ્યમાં તણાવગ્રસ્ત વિસ્તારોમાં પોલીસ પણ તૈનાત કરવામાં આવી છે. વિરોધને કારણે આજે આંતર શહેર અને રાજ્યની આંતરરાજ્ય ટ્રેનોના સમયપત્રકને અસર થવાની સંભાવના છે.
પાછલા મહિને દિલ્હી-અમૃતસર રૂટ પર ખેડૂતોના વિરોધને કારણે ઘણી ટ્રેનો મોડી પડી હતી. રેલ રોકોનું આહ્વાન કરનારા ખેડૂત નેતાઓ સર્વન સિંહ પંઢેર અને જગજીત સિંહ દલ્લેવાલે કહ્યું કે જ્યાં સુધી કેન્દ્ર સરકાર તેમની માંગણીઓ પૂરી નહીં કરે ત્યાં સુધી ખેડૂતો વર્તમાન વિરોધ પર તેમનું આંદોલન વધુ તીવ્ર બનાવશે.
Click it and Unblock the Notifications
Sign in with Google
