• search
For Quick Alerts
ALLOW NOTIFICATIONS  
For Daily Alerts

11 વર્ષની ઉંમરમાં પિતાએ વેચી, 7 બાળકોની મા બનેલી 28 વર્ષીય મહિલાની આપવીતી

|

માતાપિતાને ધરતી પર ઈશ્વરનું રૂપ માનવામાં આવે છે પરંતુ દરેકના નસીબમાં આ પ્રેમ નથી હોતો. આવી જ કહાની છે એક મહિલાની જેની બદનસીબીની કહાની બીજા કોઈએ નહિ પરંતુ તેના પિતાએ માત્ર 5 હજાર રૂપિયાની લાલચમાં માત્ર 11 વર્ષની ઉંમરમાં લખી દીધી. પિતાએ પુત્રીને એક વાર વેચી. ત્યારબાદ તેને વધુ એક વાર વેચવામાં આવી. આ રીતે તે ત્રણ અલગ અલગ પુરુષો સાથે રહી અને સાત બાળકોને જન્મ આપ્યો. ત્રણે પુરુષોએ તેને મારી મારીને ઘરમાંથી બહાર કાઢી દીધી. હવે આ મહિલા મધ્ય પ્રદેશના મંદસૌરમાં મહિલા તેમજ બાળ વિકાસા વન સ્ટેપ સેન્ટરમાં રહે છે. અહીં મહિલાને 10 દિવસથી વધુ રાખવામાં આવતી નથી પરંતુ હવે તેના જીવનમાં એક મસીહાની એન્ટ્રી થઈ ચૂકી છે.

આ પણ વાંચોઃ 'હું અને અનુપ પ્રેમી-પ્રેમિકા નથી, જે કહ્યુ તે ખોટુ હતુ': જસલીન મથારુ

સૌથી પહેલા પિતાએ નાહર સિંહને વેચી દીધી દીકરી, ત્યાં 8 વર્ષ રહી

સૌથી પહેલા પિતાએ નાહર સિંહને વેચી દીધી દીકરી, ત્યાં 8 વર્ષ રહી

આ મહિલાની દર્દભરી કહાની ત્યારે સામે આવી જ્યારે સામાજિક કાર્યકર્તા અનામિકા જૈન થોડા દિવસો પહેલા હોસ્પિટલમાં ગઈ હતી. તેમને એક ગર્ભવતી મહિલા વિશે જાણકારી મળી હતી. મધ્ય પ્રદેશના ઉન્હેલની મૂળ નિવાસી મહિલાએ અનામિકાને જ્યારે પોતાની કહાની સંભળાવી તો તેની આંખો ભીની થઈ ગઈ. મહિલાએ અનામિકાને જણાવ્યુ કે જ્યારે તે 11 વર્ષની હતી ત્યારે તેના શરાબી પિતાએ માત્ર 5 હજાર રૂપિયામાં મહિદપુરના રહેવાસી નાહર સિંહને તેને વેચી દીધી. તેની પાસે તે 8 વર્ષ સુધી રહી અને ત્રણ બાળકોને જન્મ આપ્યો પરંતુ ત્રણે છોકરીઓ પેદા થઈ. છોકરો ન પેદા થતા નાહર સિંહે તેને ઘરમાંથી કાઢી મૂકી. ત્રણે છોકરીઓ આજે પણ તેની પાસે છે.

21 વર્ષની ઉંમરમાં મહિલાને પિતાએ ફરીથી વેચી

21 વર્ષની ઉંમરમાં મહિલાને પિતાએ ફરીથી વેચી

નાહર સિંહે જ્યારે દીકરીને ઘરમાંથી કાઢી તો તે એ આશા સાથે પિતા પાસે પાછી આવી કે કદાચ આ વખતે તેમને દયા આવી જાય. પિતાએ તેને રાખી પણ પણ માત્ર ત્રણ વર્ષ. મહિલાની ઉંમર હવે માત્ર 21 વર્ષની હતી અને પિતાએ દીકરીનો ફરીથી સોદો કરી દીધો. આ વખતે તેણે દેવાસના રહેવાસી રાકેશ થાપાને દીકરી વેચી દીધી. મહિલા રાકેશ સાથે રહેવા લાગી અને આ વખતે તેણે બે પુત્રોને જન્મ આપ્યો. પરંતુ નસીબને કંઈ બીજુ જ મંજૂર હતુ. મહિલાએ પુત્રોને જન્મ આપ્યો પરંતુ તે જીવિત રહી શક્યા નહિ. બંને બાળકોના મોત બાદ રાકેશ પણ મહિલા સાથે મારપીટ કરવા લાગ્યો. પરેશાન થઈને મહિલા ત્યાંથી જતી રહી.

આ વખતે દૂરનો એક સંબંધી જીવનમાં આવ્યો અને સાથે લઈ ગયો

આ વખતે દૂરનો એક સંબંધી જીવનમાં આવ્યો અને સાથે લઈ ગયો

હવે મહિલાના જીવનમાં એક દૂરનો સંબંધી આવ્યો. શાજાપુરનો રહેવાસી દેવેન્દ્ર તેને એમ કહીને પોતાની સાથે લઈ ગયો કે તે એની સાથે લગ્ન કરશે. મહિલાએ આ વખતે વધુ એક પુત્રને જન્મ આપ્યો. મહિલા જ્યારે ફરીથી ગર્ભવતી થઈ ગઈ તો દેવેન્દ્ર ગર્ભપાત કરવાનું દબાણ કરવા લાગ્યો. મહિલા ગર્ભપાત નહોતી ઈચ્છતી. બંને વચ્ચે આ વાત પર ઝઘડો થયો. એક મહિલા તેને સ્વાસ્થ્ય કેન્દ્રમાં લઈ ગઈ જ્યાં જિલ્લા હોસ્પિટલ રિફર કરી દેવામાં આવી. તેણે મંદસૌરમાં બાળકને જન્મ આપ્યો પરંતુ નસીબનો ખેલ હજુ બાકી હતો. જે મહિલા તેને હોસ્પિટલ લઈને આવી હતી તે પણ તેને વેચવા ઈચ્છતી હતી. તે ધમકી આપવા લાગી અને બાળકને લઈ જવા લાગી પરંતુ આ વખતે મહિલાને સહારો મળી ગયો. હોસ્પિટલમાં હાજર દર્દીઓએ તે મહિલાનો વિરોધ કર્યો અને પોલિસને સૂચના આપી. પોલિસ સુધી મામલો પહોંચ્યા બાદ સામાજિક કાર્યકર્તા અનામિકાને મહિલા વિશે જાણકારી મળી અને તેમણે તેને સહારો આપવાનો નિર્ણય કર્યો. વન સ્ટેપ સેન્ટરમાં મહિલાને 10 દિવસથી વધુ ન રાખી શકાય એટલા માટે અનામિકાએ મહિલાને પોતાની સાથે લઈ જવાનો નિર્ણય કર્યો છે.

આ પણ વાંચોઃ રાજસ્થાનઃ લગ્નના 21 વર્ષ બાદ રાજકુમારી દીયાએ માંગ્યા છૂટાછેડા

English summary
Father sold daughter at the age of 11, now she is mother of seven children.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more