શિક્ષિકા જબરદસ્તી વિદ્યાર્થીને સેક્સ માણવા કહેતી હતી...

Published: Monday, October 20, 2014, 15:19 [IST]

નવી દિલ્હી, 20 ઓક્ટોબર: ગુરુ અને શિષ્યનો સંબંધ ભગવાન અને ભક્તના સંબંધ જેવો પવિત્ર હોય છે. પરંતુ પંજાબના લુધિયાનામાં આ સંબંધને કલંક લાગે તેવો કિસ્સો સામે આવ્યો છે. 31 વર્ષની એક મહિલા ટીચર પર એક સગીર પર શારીરિક શોષણનો આરોપ લગાવ્યો છે.

પોલીસે આ સંબંધમાં કેસ દાખલ કરી લીધો છે અને મામલાની તપાસ પણ શરૂ કરી દીધી છે. મહિલા હાલમાં ફરાર થઇ ગઇ છે જેની ધરપકડ કરવા માટે સંભાવિત સ્થળો પર છાપેમારી કરવામાં આવી રહી છે. એટલું જ નહીં તે મહિલા ટીચરે સગીર વિદ્યાર્થીનો વાંધાજનક વીડિયો પણ બનાવ્યો હતો જેને બતાવીને તે તેને બ્લેકમેલ કરી રહી હતી.

પ્રાપ્ત જાણકારી અનુસાર પીડિત સગીર 8માં ધોરણમાં અભ્યાસ કરે છે. વિદ્યાર્થી પોતાના પરિવારની સાથે આરોપી મહિલાના પિતાના ઘરમાં ભાડાથી રહે છે. પોલીસે જણાવ્યું કે મહિલા 14 વર્ષના સગીર પર શારીરિક સંબંધ બાંધવા માટે દબાણ કરતી હતી. પોલીસે જણાવ્યું કે મહિલા તે છોકરાને ધમકી આપતી હતી કે જો તેણે તેની સાથે સેક્સ નહીં માણ્યું તો તે તેની હત્યા કરી દેશે. પોલીસે જણાવ્યું કે મહિલા એક વીડિયો બનાવીને ઘણા મહીનાઓથી સગીરને બ્લેકમેલ કરતી હતી.

ઘણા દિવસો સુધી શિક્ષિકાના આ વ્યવહારને સહન કર્યા બાદ વિદ્યાર્થી માનસિક તણાવમાં આવી ગયો અને તેણે પોતાના પિતાને આખી ઘટના કહી દીધી. વિદ્યાર્થીના પિતાએ જ્યારે આખી વાત સાંભળી તો તેઓ પણ ચોંકી ગયા અને તેમણે પોલીસ સ્ટેશનમાં ટીચર વિરુદ્ધ ફરિયાદ દાખલ કરી દીધી.

મહિલા પર 'પ્રોટેક્શન ઓફ ચિલ્ડ્રન ફ્રોમ સેક્સુઅલ ઓફેંસ એક્ટ 2012'ની ઘણી કલમો હેઠળ કેસ દાખલ કરવામાં આવ્યો છે. પોલીસે જણાવ્યું કે આરોપી મહિલા ફિલહાલ ફરાર છે. પોલીસે તેને આપત્તિજનક વીડિયોને પોતાના કબ્જે લીધું છે જેમાં મહિલા વિદ્યાર્થીને બ્લેકમેલ કરતી હતી.

Published On October 20, 2014