આંધ્રમાં GAIL પાઇપલાઇનમાં બ્લાસ્ટ, 15ના મોત

હૈદ્રાબાદ, 27 જૂન: આંધ્ર પ્રદેશના પૂર્વી ગોદાવરી જિલ્લામાં ગેલની પાઇપલાઇનમાં બ્લાસ્ટના સમાચાર છે. પાઇપાલાઇનમાં બ્લાસ્ટના લીધે 15 લોકોના મોત નિપજ્યા હોવાની આશંકા વ્યક્ત કરવામાં આવી છે, જ્યારે ઇજાગ્રસ્તોને સંખ્યા 10ને પાર કરી ગઇ છે. માનવામાં આવે છે કે ઇજાગ્રસ્તોની સંખ્યા વધી શકે છે. પાઇપલાઇનમાં બ્લાસ્ટ બાદ આગ લાગી હતી. દૂરથી આગની જ્વાળાઓ જોઇ શકાય છે.

બ્લાસ્ટના સમાચાર મળતાં જ ફાયર બ્રિગેડની આઠ ગાડીઓ ધટનાસ્થળ પર પહોંચી ગઇ હતી. આગ પર કાબૂ મેળવવા માટે પુરતા પ્રયત્નો કરવામાં આવી રહ્યાં છે, પરંતુ કહેવામાં આવે છે કે ઘણા લોકો ત્યાં ફસાયેલા છે. ગામમાંથી પસાર થઇ રહેલી પાઇપ લાઇનમાં બ્લાસ્ટ થયો હતો. આસપાસ વસવાટ કરતાં લોકો ત્યાંથી હટી ગયા છે. પાઇપ લાઇનને કાપીને આગ પર કાબૂ મેળવાનો પ્રયત્ન કરવામાં આવી રહ્યો છે.

આગ લાગવાથી ઘટનાસ્થળ પર કામ કરી રહેલા 10 લોકોને ઇજા થવા પામી છે. તેમને તાત્કાલિક હોસ્પિટલમાં લઇ જવામાં આવ્યા છે, જ્યાં તેમની સારવાર કરવામાં આવી રહી છે. આગ કેમ અને કેવી રીતે લાગી તે હજુ સુધી જાણી શકાયું નથી.

English summary

At least three people are feared killed after an explosion at a gas pipeline this morning at the site of the state-owned Gas Authority of India Limited (GAIL) in Nagaram in Andhra Pradesh.