લુધિયાણામાં કાપડની મિલમાં ભીષણ આગ લાગી, ફાયર બ્રિગેડની 10 ગાડી ઘટના સ્થળે પહોંચી

Published: Sunday, May 24, 2020, 15:56 [IST]

નવી દિલ્હીઃ પંજાબના લુધિયાણામાં રવિવારે બપોરે એક મિલમાં ભીષણ આગ ફાટી નીકળી ઘટના બાદ સમગ્ર વિસ્તારમાં અફરા-તફરીનો માહોલ મચી ગયો છે. ઘટના સ્થળે 10 ગાડી પહોંચી ગઈ છે અને આગ પર કાબૂ મેળવવાની કોશિશ કરવામાં આવી રહી છે. હાલ ઘટનામાં કોઈપણ જાનહાની થઈ હોવાના અહેવાલ મળ્યા નથી. કયા કારણસર આગ લાગી તે પણ હજી સુધી જાણી શકાયું નથી. પોલીસ અને ફાયર બ્રિગેડની ટીમ આ મામલે તપાસ કરી રહી છે.

લુધિયાણાના ફાયર ઑફિસર શ્રૃષ્ટિનાથ મુજબ બપોરે 12.35 વાગ્યે તેમને ટી. વુલન મિલમાં આગ લાગી હોવાની માહિતી મળી હતી. જે બાદ ફાયર બ્રિગેડની ગાડીઓએ આગ ઓલવવાનું કામ શરૂ કર્યું છે. આગ એટલી ભયાનક હતી કે 10 ફાયર બ્રિગેડની ગાડીઓને ઘટના સ્થળે બોલાવવી પડી. ફાયર ઑફિસર શ્રૃષ્ટિનાથ મુજબ તમામ ગાડીઓ આગ ઓલવવા માટે 2-3 ચક્કર લગાવી ચૂકી છે. જલદી જ આગ પર કાબૂ મેળવી લેવામાં આવશે.