પ્રથમ વખત એક સાથે 3 મહિલા જજ સહિત 9 નવા જજોએ સુપ્રીમ કોર્ટના જજ તરીકે શપથ લીધા!

ભારતના મુખ્ય ન્યાયાધીશ (CJI) એનવી રમનાએ મંગળવારે સુપ્રીમ કોર્ટના ન્યાયાધીશ તરીકે ત્રણ મહિલા ન્યાયાધીશો સહિત 9 નવા ન્યાયાધીશોને શપથ લેવડાવ્યા હતા. આ એક ઐતિહાસિક ક્ષણ છે, કારણ કે સુપ્રીમ કોર્ટના 9 ન્યાયાધીશોએ એક સાથે પદના શપથ લીધા છે. સીજેઆઈ એન વી રમનાની હાજરીમાં જસ્ટિસ એએસ ઓકા, જસ્ટિસ વિક્રમ નાથ, જે કે માહેશ્વરી, હેમા કોહલી, બીવી નાગરત્ના, સીટી રવિકુમાર, એમએમ સુંદરેશ, બેલા એમ ત્રિવેદી અને પીએસ નરસિંહાએ જજ તરીકે શપથ લીધા.

તમને જણાવી દઈએ કે પરંપરા મુજબ સુપ્રીમ કોર્ટના નવા ન્યાયાધીશોને મુખ્ય ન્યાયાધીશ દ્વારા શપથ અપાવવામાં આવે છે. આજે 9 જજોએ શપથ લીધા બાદ, CJI સહિત સુપ્રીમ કોર્ટમાં જજોની કુલ સંખ્યા હવે 33 થઈ ગઈ છે. સુપ્રીમ કોર્ટમાં અધિકતમ 34 જજ જ હોઈ શકે છે. ભારતની સર્વોચ્ચ અદાલતના ઇતિહાસમાં આ પ્રથમ વખત છે જ્યારે એક સાથે નવ જજોએ પદના શપથ લીધા હોય. શપથ ગ્રહણનો એક વીડિયો પણ સામે આવ્યો છે, જેમાં સીજેઆઈ એનવી રમના નવા જજોને શપથ લેવડાવતા જોવા મળે છે.

સુપ્રીમ કોર્ટના ન્યાયાધીશો તરીકે શપથ લેનારા નવ નવા ન્યાયાધીશોમાં, જસ્ટિસ અભય શ્રીનિવાસ ઓકા કર્ણાટક હાઈકોર્ટના મુખ્ય ન્યાયાધીશ રહ્યા છે. જસ્ટિસ વિક્રમ નાથ ગુજરાત હાઇકોર્ટના મુખ્ય ન્યાયાધીશ હતા. જસ્ટિસ જીતેન્દ્ર કુમાર માહેશ્વરી સિક્કિમ હાઈકોર્ટના મુખ્ય ન્યાયાધીશ હતા. જસ્ટિસ હિમા કોહલી તેલંગાણા હાઈકોર્ટના ચીફ જસ્ટિસ હતા અને જસ્ટિસ બી. વી. નાગરથના કર્ણાટક હાઇકોર્ટના જજ હતા. આ ઉપરાંત, શપથ ગ્રહણ કરનારા ન્યાયાધીશોમાં કેરળ હાઇકોર્ટના જસ્ટિસ સીટી રવિકુમાર, જસ્ટિસ એમએમ સુંદરેશ મદ્રાસ હાઇકોર્ટના જજ, જસ્ટિસ બેલા એમ ત્રિવેદી જે ગુજરાત હાઇકોર્ટના જજ હતા અને પી.એસ. નરસિંહ, એક વરિષ્ઠ વકીલ અને ભૂતપૂર્વ અધિક સોલિસિટર જનરલ હતા.

English summary

For the first time, 9 new judges, including 3 women judges, were sworn in as Supreme Court judges!