છોકરી માટે યુવકને માર મારીને માથે પેશાબ કર્યો, જાણો શું છે પુરી ઘટના?

દેશને ગ્રહણ લાગ્યુ હોય તેવી સ્થિતી સર્જાઈ છે. એક પછી એક હચમચાવનારી ઘટનાઓ સામે આવી રહી છે. હજુ મધ્યપ્રદેશના પેશાબ કાંડના પડધા શાંત થયા નથી ત્યાં આધ્રપ્રદેશમાં એક યુવકને માર મારીને માથે પેસાબ કર્યો હોવાની ઘટના સામે આવી છે.

અહેવાલો અનુસાર, આંધ્રપ્રદેશના ઓંગોલમાં પ્રેમ સંબંધને લઈને 9 વ્યક્તિઓએ એક દલિત વ્યક્તિને માર માર્યો છે. આ યુવક પર માર માર્યા બાદ પેશાબ કરવામાં આવ્યો હોવાના પણ અહેવાલ છે.

અહેવાલો અનુસાર, બે આરોપીઓએ નશાની હાલતમાં પેશાબ કર્યો અને ઘટનાનો વીડિયો પણ રેકોર્ડ કરવામાં આવ્યો છે. પોલીસ અનુસાર, પીડિત અનુસૂચિત જનજાતિ સમુદાયમાંથી આવે છે અને તેના પર 9 લોકોના જૂથે હુમલો કર્યો હતો અને બે લોકોએ તેના પર પેશાબ કર્યો છે.

પોલીસ અનુસાર, મુખ્ય આરોપીની ઓળખ મન્ને રામંજનૈયુલુ તરીકે થઈ છે અને આ આરોપીઓમાં બે સગીર પણ છે. પોલીસ અનુસાર, પીડિત અને આરોપી બાળપણના મિત્રો હતા અને બન્ને સામે આંધ્રપ્રદેશ અને અન્ય રાજ્યોમાં ચોરીના 50 કેસ નોંધાયેલા છે.

ઓંગોલના એસપી મલિકા ગર્ગ અનુસાર, પીડિત અને આરોપીના મિત્ર વચ્ચે એક છોકરીને લઈને ઝઘડો થયો હતો, જે બાદ આરોપીએ પીડિતને 19 જૂને રાત્રે સમાધાન માટે એકાંત જગ્યાએ બોલાવ્યો. આ સમયે આરોપી નશામાં હતો.

તેમને આગળ જણાવ્યુ કે, આરોપી અને અન્ય આઠ લોકોએ નવીન પર હુમલો કર્યો અને આમાંથી બે લોકોએ તેના પર પેશાબ કર્યો. એસપી મલિકા ગર્ગ અનુસાર, આ કૃત્ય તેમાના જ એક વ્યક્તિ દ્વારા મોબાઈલમાં રેકોર્ડ કરાયુ.

ઘટના બાદ પીડિતને હોસ્પિટલ ખસેડાયો પરંતુ શું થયુ તે ખાનગી રખાયુ. પોલીસ તેની સાથે વાત કરે તે પહેલા તેને રજા આપીને હોસ્પિટલ છોડી દેવામાં આવ્યો.

હવે પોલીસે આરોપીઓ સામે IPC ની કલમ 307 હત્યાનો પ્રયાસ અને અનુસૂચિત જાતિ અને અનુસૂચિત જનજાતિ અત્યાચાર નિવારણ અધિનિયમ 1989 હેઠળ સંબંધિત કલમો હેઠળ ગુનો નોંધ્યો છે અને કાર્યવાહી શરૂ કરી છે. હાલ પોલીસે 6 આરોપીઓની ધરપકડ કરી છે અને મુખ્ય આરોપી સહિત ત્રણ લોકો ફરાર છે.

English summary

For the girl who beat the young man and urinated on his head, know what is the whole incident?