દીપડાઓને ટ્રેક કરવા માટે વન વિભાગ માઇક્રો ચિપ ટેકનોલોજીનો ઉપયોગ કરશે
આ અંગે વાત કરતા મોહરલી રેન્જના રેન્જ ફોરેસ્ટ ઓફિસર ડી એસ રૌતકરે જણાવ્યું કે "દીપડાઓને જંગલમાં છૂટા મૂકતા પહેલા તેમના શરીરમાં માઇક્રો ચિપ ફિટ કરવા માટેની પોલીસીને વન વિભાગે અંતિમ સ્વરૂપ આપી દીધું છે. આમ કરવાથી તેમની હિલચાલ ઉપર નજર રાખવામાં મદદ તો મળશે જ સાથે તેમની સંખ્યા અંગેની માહિતી એકત્ર કરવામાં પણ મદદ મળશે."
માઇક્રો - ચિપ ફિટ કરવાની ટેકનોલોજી અંગે વાત કરતા તેમણે જણાવ્યું કે આ માઇક્રો ચિપ ચોખાના એક દાણા જેટલી હોય છે. એક ચિપની કિંમત રૂપિયા 350 હોય ચે. દરેક ચિપનો એક યુનિક આઇડેન્ટિટિ નંબર હોય છે. દીપડાને બેભાન કરીને તેની ચામડી અને સ્નાયુઓની વચ્ચે આ ચિપને ફિટ કરવામાં આવે છે. જ્યારે પણ દીપડો ફરી પકડાય ત્યારે ચિપ રીડર યુનિક નંબંર વાંચી લેશે.
તેમણે વધુમાં જણાવ્યું કે દીપડાઓના આતંકને પહોંચીવળવા માટે વન વિભાગે શાર્પ શૂટર રોકવા, રેપિડ રિસ્પોન્સ ફોર્સ તૈયાર કરી, સ્પેશ્યલ ટાઇગર પ્રોટેક્શન ફોર્સ તૈયાર કરીને ગયા મહિને અગરઝારી વિસ્તારમાં માણસોની વસતીમાં ઘૂસી ગયેલા દીપડાઓને પકડી પાડવામાં આવ્યા હતા. આ ઉપરાંત તેમને પકડવા વિવિધ જગ્યાઓએ 10 પાંજરા પણ મૂકવામાં આવ્યા છે. આ સમગ્ર કાર્યવાહીમાં ત્રણ દીપડાઓને પકડી પાડવામાં સફળતા મળી છે.
Click it and Unblock the Notifications
Sign in with Google
