• search
For Quick Alerts
ALLOW NOTIFICATIONS  
For Daily Alerts
Oneindia App Download

G 23 પાર્ટીના વરિષ્ઠ નેતાઓ પર નિશાન સાધ્યું, કોંગ્રેસ નબળી પડી રહી છે : વીરપ્પા મોઈલી

|
Google Oneindia Gujarati News

નવી દિલ્હી, 18 માર્ચ : પાંચ રાજ્યોમાં કારમી હાર બાદ G 23ના નેતાઓની બેઠકોનો દોર શરૂ થઈ ગયો છે. જી 23ના નેતાઓ ફરી એકવાર કોંગ્રેસ નેતૃત્વમાં પરિવર્તનની માગનું પુનરાવર્તન કરી રહ્યા છે. ઉલ્લેખનીય છે કે, G 23 કોંગ્રેસ પાર્ટીના વરિષ્ઠ નેતાઓનું એક જૂથ છે, જે પાર્ટીની વર્તમાન પરિસ્થિતિ માટે ગાંધી પરિવારને નિશાન બનાવી રહ્યું છે અને તેના કારણે પાર્ટી નેતૃત્વમાં ફેરફારની માગને દોહરાવી રહ્યું છે. આ જૂથમાં ગુલામ નબી આઝાદ અને કપિલ સિબ્બલ જેવા કોંગ્રેસના વરિષ્ઠ નેતાઓનો સમાવેશ થાય છે.

કર્ણાટકના પૂર્વ મુખ્યમંત્રી અને કોંગ્રેસના વરિષ્ઠ નેતા વીરપ્પા મોઈલીએ જણાવ્યું હતું કે, G 23 જૂથ પાર્ટીના વરિષ્ઠ નેતાઓને નિશાન બનાવીને પાર્ટીને નબળી બનાવી રહ્યું છે. તેમણે કહ્યું કે, કોંગ્રેસના નેતાઓ અને કાર્યકરોએ ગભરાવું જોઈએ નહીં કારણ કે, અમે સત્તામાં નથી. ભાજપ અને અન્ય પક્ષો આયા રામ ગયા રામ છે. તેઓ આવશે અને જશે, પરંતુ કોંગ્રેસ અહીં જ રહેશે. આપણે સમાજ માટે પ્રતિબદ્ધ બનવું જોઈએ અને આશા ન ગુમાવવી જોઈએ.

કોંગ્રેસ પાર્ટીની અંદર સુધારા અંગે મોઈલીએ જણાવ્યું હતું કે, સોનિયા ગાંધી કોંગ્રેસની અંદર સુધારા કરવા માગે છે, પરંતુ તેમની આસપાસના નેતાઓ આવું થવા દેતા નથી. તેમણે કહ્યું કે, ભાજપ બારમાસી પાર્ટી ન બની શકે અને મોદી પછી તે રાજકારણની ગરબડ સહન કરી શકશે નહીં. ઉલ્લેખનીય છે કે, વીરપ્પા મોઈલી પણ ભૂતકાળમાં G 23 ના સભ્ય રહી ચૂક્યા છે, પરંતુ હવે તેઓ તેનો ભાગ નથી.

કોંગ્રેસ પક્ષમાં સુધારાને લઈને જી 23ની સતત બેઠકો અંગે વીરપ્પાએ જણાવ્યું હતું કે, જે કંઈ કહેવું હોય તે પાર્ટી ફોરમમાં કહેવું જોઈએ. તેમણે સુધારાની માગ કરી હતી અને મેમોરેન્ડમ આપ્યું હતું. તેઓએ ચર્ચાનું નેતૃત્વ કરવું જોઈએ. અમે નેતૃત્વની નિંદા અથવા નિશાન બનાવવાનું શરૂ કરી શકતા નથી. તેઓએ G 23નું સંસ્થાકીયકરણ ન કરવું જોઈએ અને હું તેની સાથે જોડાયેલો નથી.

English summary
G23 targets senior party leaders, Congress is weakening said Veerappa Moily.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X