દિલ્હીમાં મોસ્ટ વોન્ટેડ રાજેશ ભારતી સહિત 4 ગેંગસ્ટર ઠાર મરાયા
દેશની રાજધાની દિલ્હીના છતરપુર વિસ્તારમાં કુખ્યાત ગેંગસ્ટર રાજેશ ભારતીની ગેંગ અને પોલિસ વચ્ચે અથડામણ થતાં સમગ્ર વિસ્તારમાં હડકંપ મચી ગયો.
દેશની રાજધાની દિલ્હીના છતરપુર વિસ્તારમાં કુખ્યાત ગેંગસ્ટર રાજેશ ભારતીની ગેંગ અને પોલિસ વચ્ચે અથડામણ થતાં સમગ્ર વિસ્તારમાં હડકંપ મચી ગયો. આ અથડામણમાં એક લાખનું ઈનામ જેના પર છે તે રાજેશ ભારતી ઠાર મરાયો છે. દિલ્હી પોલિસે અથડામણમાં તેના 3 સાથીઓને પણ ઠાર માર્યા છે. અથડામણમાં દિલ્હી પોલિસના 6 જવાન ઘાયલ થયાના સમાચાર છે.
મળતી માહિતી મુજબ દિલ્હી પોલિસને મોટી સફળતા મળી છે. તેમણે રાજેશ ભારતી સહિત 4 ગેંગસ્ટરને ઠાર માર્યા છે. વળી, આ એનકાઉન્ટરમાં દિલ્હી પોલિસની સ્પેશિયલ સેલના 6 સિપાઈ પણ ઘાયલ થયા છે. આ અથડામણને સ્પેશિયલ સેલના ડીસીપી સંજીવ યાદવે લીડ કરી હતી. તમને જણાવી દઈએ કે રાજેશ ભારતી પર ડઝનેક કેસ ફાઈલ કરાયા હતા. થોડાક દિવસ પહેલા જ તે હરિયાણાની જેલમાંથી ફરાર થઈ ગયો હતો અને તેના પર 1 લાખ રૂપિયાનું ઈનામ પણ રાખવામાં આવ્યુ હતુ.
Click it and Unblock the Notifications
Sign in with Google
