શિકાર કરતા ઈન્ટરનેશનલ ગોલ્ફર જ્યોતિ રંધાવાની ધરપકડ, જાનવરની ચામડી, રાઈફલ જપ્ત

યુપીમાં બોલિવુડ ફિલ્મ અભિનેત્રી ચિત્રાંગદાના પૂર્વ પતિ અને ઈન્ટરનેશનલ ગોલ્ફર જ્યોતિ રંધાવાની ધરપકડ કરવામાં આવી છે. જ્યોતિ રંધાવાને સંરક્ષિત વન ક્ષેત્રમાં શિકાર કરવાના આરોપમાં પકડવામાં આવ્યા છે. તેમની પાસેથી જંગલી કૂકડા, સાંભરની ચામડી તેમજ ઝીરો પોઈન્ટ 22ની રાઈફલ પોલિસે જપ્ત કરી છે.

જાણકારી અનુસાર બહરાઈચના મોતીપુર પોલિસ સ્ટેશનના નાનપારા-લખીમપુર હાઈવે સાથે જોડાયેલા ગામમાં જ્યોતિંદર સિંહનું ફાર્મ હાઉસ છે. જ્યોતિંદર ઘણી વાર પોતાના સાથીઓ સાથે ફાર્મ હાઉસમાં આવીને રહે છે. મંગળવારે તે પોતાના ફાર્મ હાઉસ પર આવ્યા હતા. તમને જણાવી દઈએ કે બુધવારની સવારે પોતાની સાથે મહેશ વિરાજદરની સાથે શિકાર માટે ખાનગી વાહનથી કતર્નિયા જંગલમાં ગયા હતા. મોતીપુર રેંજના બીટ નંબર 29થી સવારે લગભગ સાડા આઠ વાગે શિકાર કરવા પોતાના ફાર્મ હાઉસ પર પાછા આવી રહ્યા હતા. આ દરમિયાન ખપરિયા વન ચોકી પર તૈનાત વનકર્મિઓએ તેમને રોકી લીધા.

ડીએફઓ જે પી સિંહ મુજબ કતર્નિયાઘાટના મોતીપુર રેંજમાં જાનવરોનો શિકાર કરી રહ્યા હતા. રંધાવા પાસે એક .22ની રાઈફલ અને અન્ય સાધનો જપ્ત કરવામાં આવ્યા છે. જંગલી કૂકડા તેમજ સાબરની ચામડી જપ્ત કરવામાં આવી છે. એસપીટીએફ ફોર્સના જવાન મોતીપુર રેંજ કાર્યાલયમાં લાવીને પૂછપરછ કરી રહી છે. વન વિભાગના અધિકારી પણ ઘટના સ્થળ પર પહોંચી ગયા છે. ડીએફઓ જીપી સિંહે જણાવ્યુ કે ઝીરો પોઈન્ટ 22ની રાઈફલ, 80 કારતૂસ, જંગલી કૂકડા તેમજ સાંભરની ચામડી મળી આવી છે. કેસ નોંધવામાં આવી રહ્યો છે.

English summary

Golfer Jyoti Randhawa arrested on poaching charges in bahraich