GST Collection: દિલ્લી સરકારને લક્ષ્ય કરતા 10 ટકા વધુ મળ્યો જીએસટી
વર્ષ 2022-23 દરમિયાન દિલ્લી સરકારની તિજોરી જીએસટીથી ભરાઈ ગઈ હતી. સરકારને બજેટમાં નિર્ધારિત લક્ષ્યાંક કરતાં વધુ જીએસટી મળ્યો છે. વર્ષ 2021-22ની સરખામણીમાં GST કલેક્શનમાં 28 ટકાનો વધારો થયો છે.
માર્ચ મહિનામાં પણ, દિલ્લી સરકારના જીએસટી કલેક્શનમાં લગભગ 18 ટકાનો વધારો થયો છે અને પડોશી રાજ્યોની સરખામણીમાં જીએસટી કલેક્શનનો દર વધારે છે.
દિલ્લી સરકારે નાણાકીય વર્ષ 2022-23 માટે રૂ. 26,000 કરોડ જીએસટી કલેક્શનનો લક્ષ્યાંક રાખ્યો હતો, જ્યારે સરકારને તે વર્ષ દરમિયાન લગભગ રૂ. 28,500 કરોડ જીએસટી તરીકે પ્રાપ્ત થયા હતા. આ રીતે GST કલેક્શન લક્ષ્યાંક કરતાં 9.60 ટકા વધુ છે.
નાણાકીય વર્ષ 2021-22માં દિલ્લી સરકારને GST તરીકે 22,260 કરોડ રૂપિયા મળ્યા હતા. તેની સરખામણીમાં વર્ષ 2022-23માં GST કલેક્શનમાં 28 ટકાનો વધારો નોંધવામાં આવ્યો છે.
દિલ્લી સરકારને નાણાકીય વર્ષ 2022-23ના છેલ્લા મહિને માર્ચમાં વાર્ષિક ધોરણે 17.72 ટકા વધુ GST મળ્યો હતો. માર્ચ મહિનામાં 2,420 કરોડ રૂપિયાનુ GST કલેક્શન થયુ હતુ, જ્યારે ગયા વર્ષે GST કલેક્શન માર્ચ મહિનામાં 2,055 કરોડ રૂપિયા હતુ.
આ વર્ષે માર્ચ મહિનામાં, દિલ્લી સરકારના GST કલેક્શનમાં વૃદ્ધિનો દર પડોશી રાજ્યો કરતા વધારે હતો. માર્ચમાં હરિયાણાનો GST સંગ્રહ વૃદ્ધિ દર 16.93 ટકા, ઉત્તર પ્રદેશનો 15 ટકા અને રાજસ્થાનનો 15.80 ટકા હતો, જ્યારે દિલ્લીનો 17.72 ટકા હતો.
Click it and Unblock the Notifications
Sign in with Google
