Pics: ગુજરાત, રાજસ્થાનમાં ભારે વરસાદથી પૂરનો કહેર

Updated: Wednesday, July 29, 2015, 13:39 [IST]

અમદાવાદ/જયપુર, 29 જુલાઇ: ગુજરાત અને રાજસ્થાનમાં છેલ્લા 24 કલાકમાં મૂશળાધાર વરસાદના પગલે પૂર જેવી સ્થિતિ સર્જાઇ છે. વડોદરામાં ભારે વરસાદના પગલે કારો પણ પાણીમાં ડૂબી ગઇ. લોકોના ઘરોમાં પાણી ઘુસી ગયા. જ્યારે રાજસ્થાનના પૂર્વ ભાગમાં પણ આવી જ સ્થિતિ છે.

હવામાન વિભાગે મંગળવારે જ ચેતાવણી આપી દીધી હતી કે પૂર્વ રાજસ્થાનમાં મૂશળાધાર વરસાદ ચાલુ રહેશે. જ્યારે દક્ષિણી રાજસ્થાનમાં આવનારા 72 કલાક દરમિયાન તથા ઉત્તરી રાજસ્થાનમાં 30 જુલાઇના રોજ ભારેમાં ભારે વરસાદની સંભાવના છે. વાસ્તવમાં દક્ષિણ-પશ્ચિમ રાજસ્થાન ઉપર બનેલું પ્રેશર ઘાઢ બની ગયું છે જે ત્રણ દિવસ સુધી બની રહેશે.

દમણ, દાદરમાં સ્થિતિ ખરાબ
હવામાન વિભાગ અનુસાર ગુજરાત, દમણ અને દીવ તથા નગર હવેલીમાં બુધવારે શુક્રવાર સુધી ભારેથી અતિભારે વરસાદ થવાની આશંકા છે. જ્યારે ભૂ-વિજ્ઞાન મંત્રાલયે ચેતાવણી આપી હતી કે ગુજરાત, દમણ, દાદર અને નગર હવેલી, સૌરાષ્ટ્ર, કચ્છ તથા દીવમાં મંગળવારે અને બુધવારે ભારે વરસાદની સંભાવના છે.

હવામાન વિભાગની ચેતાવણી બાદ લગભગ એક હજાર લોકોને સુરક્ષિત સ્થાન પર લઇ જવાનું કાર્ય શરૂ કરી દેવામાં આવ્યું છે.

પશ્ચિમ બંગાળ, મધ્ય પ્રદેશ, ઓડિશામાં વરસાદ
પૂર્વોત્તર બંગાળની ખાડી તથા બાંગ્લાદેશના તટીય વિસ્તારો તથા પશ્ચિમ બંગાળની ઉપર બનેલ એક અન્ય પ્રેશરના કારણે પશ્ચિમ બંગાળ તથા ઓડિશામાં આવાનારા 48 કલાક દરમિયાન ભારેથી અતિભારે વરસાદની સંભાવના છે. મધ્ય પ્રદેશ તથા ઓડિશાના ભાગોમાં આગામી ત્રણ દિવસોમાં ભારે વરસાદ થશે. જ્યારે પશ્ચિમ બંગાળના ઘણા ભાગોમાં છેલ્લા 24 કલાકોમાં સતત વરસાત થઇ રહ્યો છે.

વરસાદના પગલે સર્જાયેલી કેટલીક તસવીરો...